قانات شارلاپاەۆ جاڭا قىزمەتكە تاعايىندالدى

«مەملەكەت باسشىسىنىڭ جارلىعىمەن قانات بيسيمباي ۇلى شارلاپاەۆ قازاقستان رەسپۋبليكاسى پرەزيدەنتىنىڭ ەكونوميكالىق ماسەلەلەر جونىندەگى كومەكشىسى بولىپ تاعايىندالدى, ول بۇرىنعى اتقارعان لاۋازىمىنان بوساتىلدى», دەپ جازىلعان حابارلامادا.

ول 1981 جىلى رەسەي فەدەراتسياسىندا تۋعان. ساراتوۆ الەۋمەتتىك-ەكونوميكالىق ۋنيۆەرسيتەتىن, كرەنفيلد مەنەدجمەنت مەكتەبىن ( ۇلىبريتانيا) اياقتاعان. ماماندىعى بويىنشا ەكونوميست, قارجى جانە باسقارۋ ماگيسترى.

ەڭبەك جولىن 2003 جىلى رف-نىڭ پەتروكوممەرتس بانكىنىڭ كليەنتتەردى باسقارۋ باسقارماسىنىڭ مەنەدجەرى بولىپ باستاعان.

2006-2008 جىلدارى «سيتي» ينۆەستيتسيالىق بانكىنىڭ لوندون ( ۇلىبريتانيا), پراگا قالالارىنداعى (چەحيا) قارجى دەپارتامەنتىندە مامان بولىپ جۇمىس ىستەگەن. 2008-2014 جىلدارى «سيتي» ينۆەستيتسيالىق بانكىنىڭ ( ۇلىبريتانيا) نارىقتاعى اكتسيالار جۇمىسى جونىندەگى وڭىرلىك ديۆيزيونىنىڭ اعا تالداۋشىسى, ۆيتسە-پرەزيدەنتىنىڭ كومەكشىسى, ۆيتسە-پرەزيدەنتى بولعان.

2014-2015 جىلدار ارالىعىندا ۇلىبريتانيانىڭ «سيتي» ينۆەستيتسيالىق بانكىنىڭ ەۋروپا, تاياۋ شىعىس جانە افريكا بويىنشا ستراتەگيالىق جوسپارلاۋ جانە تالداۋ وڭىرلىك توبىنىڭ ۆيتسە-پرەزيدەنتى لاۋازىمىن اتقارعان.

2015-2017 جىلدارى قازاقستاننىڭ سيتيبانكىندە باس قارجى ديرەكتورى, باسقارما توراعاسىنىڭ ورىنباسارى, اعا ۆيتسە-پرەزيدەنتى بولعان.

2017-2020 جىلدار ارالىعىندا رەسەي فەدەراتسياسىنىڭ «سيتي» ينۆەستيتسيالىق بانكىنىڭ رەسەي, ۋكراينا جانە قازاقستان بويىنشا باس قارجى ديرەكتورى, اعا ۆيتسە-پرەزيدەنتى بولىپ جۇمىس ىستەگەن. 2020 جىلى «سيتي» ينۆەستيتسيالىق بانكىنىڭ ء(باا) افريكا, تاياۋ شىعىس پەن شىعىس ەۋروپانىڭ دامۋشى نارىقتارىنداعى ستراتەگيا, جوسپارلاۋ جانە تالداۋ جونىندەگى وڭىرلىك ديرەكتورى لاۋازىمىنا تاعايىندالعان.

2022 جىلعى اقپاننان باستاپ «بايتەرەك» ۇلتتىق باسقارۋشى حولدينگى اكتسيونەرلىك قوعامىنىڭ باسقارما توراعاسى قىزمەتىن اتقارعان.

2023 جىلدىڭ 4 قىركۇيەگىنەن باستاپ قر ونەركاسىپ جانە قۇرىلىس ءمينيسترى بولىپ تاعايىندالعان.