ءماجىلىس سپيكەرى ەرلان قوشانوۆتىڭ توراعالىعىمەن بيۋرو ءوتىپ, الداعى جالپى وتىرىستىڭ كۇن ءتارتىبى ناقتىلاندى.
ءبىرىنشى وقىلىمدا ماجىلىستە دەپۋتاتتار باستاماشىلىق ەتكەن مادەنيەت پەن ءبىلىم ماسەلەلەرىنە قاتىستى زاڭ جوباسى تالقىلانادى. قۇجاتتا مەكتەپ وقۋشىلارىن ءبىلىم بەرۋ جانە مادەني باستامالارعا قاتىسۋعا ىنتالاندىرۋ ماقساتىمەن «Aqylman» جوباسىن ەنگىزۋ ۇسىنىلادى. سونداي-اق عىلىمي جوبالاردىڭ حالىقارالىق بايقاۋلارىنىڭ جەڭىمپازدارى مەن جۇلدەگەرلەرىنە, ولاردى دايىنداعان پەداگوگتارعا ءبىر رەتتىك تولەم جاساۋ نورمالارى قاراستىرىلعان.
ءبىلىم ساپاسىن ارتتىرۋ ءۇشىن جوعارى جانە جوعارى وقۋ ورنىنان كەيىنگى ءبىلىم بەرۋ ۇيىمدارىن رەيتينگىلەۋ نورمالارى ەنگىزىلمەك.
بۇعان قوسا مەملەكەتتىك تاپسىرىس ەسەبىنەن وقىعان ازاماتتاردى ەگەر ولار مەملەكەتتىك جاردەماقى الۋشىلار قاتارىندا بولسا جانە مۇگەدەكتىگى بار بالانى تاربيەلەپ وتىرعان نەمەسە I توپتاعى مۇگەدەككە كۇتىم جاساعان جاعدايدا مىندەتتى تۇردە ەڭبەك وتەۋدەن بوساتۋ ۇسىنىلادى. سونىمەن قاتار شەتەلدىك ءبىلىم بەرۋ ۇيىمدارىندا رەزيدەنتۋرا, ماگيستراتۋرا, دوكتورانتۋرا باعدارلامالارى بويىنشا وقۋعا تۇسكەن جانە وقۋىن اياقتاعان ازاماتتارعا ەڭبەك وتەۋدى كەيىنگە شەگەرۋ مۇمكىندىگى قاراستىرىلعان.
دەپۋتاتتاردىڭ باستاماسىمەن ازىرلەنگەن زاڭ جوباسى وتاندىق ادەبيەتتى دامىتۋعا, كىتاپحانا قورىن قولداۋعا جانە ونوماستيكا سالاسىنداعى وزگەرىستەرگە باعىتتالعان شارالاردى دا قامتيدى.
سونداي-اق ءماجىلىس جول سالاسىن رەفورمالاۋ ماسەلەلەرى بويىنشا جاڭا زاڭ جوباسىن جۇمىسقا الۋدى جوسپارلاپ وتىر.