تەحنوگەندىك قالدىقتاردى كەڭىنەن پايدالانۋ ماقساتىندا «قازجولعزي» ماماندارى «ERG Recycling» جشس جانە «Qarmet» اق كومپانيالارىمەن بىرلەسىپ, اسفالتوبەتونعا ارنالعان موديفيكاتسيالانعان مينەرالدى ۇنتاق ءوندىرۋ تەحنولوگياسىن ازىرلەۋ بويىنشا عىلىمي-زەرتتەۋ جۇمىستارىن باستادى, دەپ حابارلايدى Egemen.kz.
نەگىزگى شيكىزات رەتىندە ۇشۋ ك ۇلىن جانە تۇيىرشىكتەلگەن شلاكتى قولدانۋ كوزدەلگەن. ماماندار تەحنوگەندىك قالدىقتاردى جول قۇرىلىسىنا ەنگىزۋ – قالدىقتاردى كادەگە جاراتۋدىڭ ءتيىمدى شەشىمى عانا ەمەس, سونىمەن قاتار قۇرىلىس ماتەريالدارىنا جۇمسالاتىن شىعىنداردى ايتارلىقتاي قىسقارتۋدىڭ جولى دەيدى.
«زەرتحانالىق سىناقتاردىڭ العاشقى كەزەڭىنىڭ ناتيجەلەرىندە موديفيكاتسيالانعان مينەرالدى ۇنتاقتىڭ ءداستۇرلى انالوگتارىنان ارتىقشىلىعى دالەلدەندى. سونىمەن قاتار, قايتا وڭدەۋ تەحنولوگياسىنىڭ جاڭا ءتاسىلى ەكىنشى رەتتىك رەسۋرستاردى پايدالانۋ ەسەبىنەن جول قۇرىلىس ماتەريالدارىنىڭ وزىندىك قۇنىن تومەندەتۋگە جانە قورشاعان ورتاعا تۇسەتىن جۇكتەمەنى ازايتۋعا مۇمكىندىك بەرەدى», دەدى «قازجولعزي» عىلىم باسقارماسىنىڭ باسشىسى, ت.ع.ك. قايرات مۇحامبەتقاليەۆ.
ساراپشىلار جوبانىڭ ەكونوميكالىق تيىمدىلىگى ونى كەڭ اۋقىمدا ەنگىزۋگە پەرسپەكتيۆالى ەتەتىنىن اتاپ ءوتتى. ايتا كەتەيىك, سىناقتار ءساتتى اياقتالعاننان كەيىن تەحنولوگيا ەلدەگى ءىرى جول قۇرىلىسى جوبالارىنا ۇسىنىلادى.