استانادا قايتارىلعان اكتيۆتەردى باسقاراتىن كومپانيا ۇلتتىق قاۋىپسىزدىك كوميتەتىنىڭ بۇرىنعى توراعاسى كارىم ءماسىموۆتىڭ تاركىلەنگەن ءزاۋلىم ءۇيىن ساتىلىمعا شىعاردى, دەپ حابارلايدى Egemen.kz.
قاراوتكەل شاعىن اۋدانىنىڭ ەرەيمەنتاۋ كوشەسىندە ورنالاسقان ءۇيدى ساتۋ 25 اقپاندا ساعات 10:00-دە «E-Qazyna» پلاتفورماسىندا جۇرگىزىلەدى.ء ۇيدىڭ باستاپقى باعاسى 1 883 338 958 تەڭگە, اۋكتسيون جارناسى 117,9 ملن.
2022 جىلدىڭ ناۋرىز ايىندا قر ۇلتتىق قاۋىپسىزدىك كوميتەتىنىڭ ءباسپاسوز قىزمەتى ءماسىموۆتىڭ پرەمەر-مينيستر قىزمەتىن اتقارىپ جۇرگەن كەزىندە بيزنەس قۇرىلىمدارىنىڭ بىرىنەن ەلوردادا قۇنى شامامەن 2,5 ميلليارد تەڭگە تۇراتىن ەليتالىق قوناق ءۇي مەن جەر تەلىمىن الۋ فاكتىسى بويىنشا تەرگەۋ باستالعانىن مالىمدەگەن ەدى. حابارلاندىرۋدا كارىم ءماسىموۆتىڭ وسى كەزدە تاركىلەنگەن ەليتالى ءۇيىنىڭ سۋرەتى بەرىلگەن.
ەستەرىڭىزگە سالا كەتەيىك, كارىم ءماسىموۆ مەملەكەتكە وپاسىزدىق جاسادى, بيلىكتى باسىپ الماق بولدى جانە قىزمەتتىك وكىلەتتىگىن اسىرا پايدالاندى دەگەن ايىپپەن 18 جىلعا باس بوستاندىعىنان ايىرىلعان.