انتيكور قوستاناي وبلىسى بەيىمبەت مايلين اۋدانىنىڭ ءماسليحات توراعاسى مەن دەپۋتاتىنا جەمقورلىق دەرەگى بويىنشا ايىپ تاعىلىپ وتىرعانىن حابارلادى, دەپ جازادى Egemen.kz.
سوتقا دەيىنگى تەرگەۋ بارىسىندا كۇدىكتىلەر فيرما مەن جەرگىلىكتى ىشكى مەملەكەتتىك اۋديت دەپارتامەنتى اراسىندا «دەلدالدىق» جاساعان. فيرما مەملەكەتتىك ساتىپ الۋ شارتتارىنا جاساعان اۋديت كەزىندە انىقتالعان تالاپتاردى ورىنداماي, ءىستى پارا بەرۋ ارقىلى شەشپەك بولعان.
وسىلايشا, فيرما ءماسليحات قىزمەتكەرلەرى ارقىلى دەپارتامەنتكە 2 ملن تەڭگە سوماسىندا پارا ۇسىنعان.
انتيكور ايىپتالۋشىلاردىڭ ءىسى سوتقا جولدانىپ, وزگە اقپارات قىلمىستىق-پروتسەستىك كودەكستىڭ 201-بابىنا سايكەس جاريالانبايتىنىن ەسكەرتتى.