كولىك ءمينيسترى مارات قاراباەۆ ەلىمىزدە جول ينفراقۇرىلىمىن باسقارۋدى جاڭعىرتۋ ءۇشىن نەگىز بولاتىن «E-Joldar» بىرىڭعاي تسيفرلىق پلاتفورماسى ەنگىزىلەتىنىن ايتتى, دەپ حابارلايدى Egemen.kz ۇكىمەتتىڭ ءباسپاسوز قىزمەتىنە سىلتەمە جاساپ.
پلاتفورما قولدانىستاعى تسيفرلىق جۇيەلەردى بىرىكتىرەدى جانە بارلىق اۆتوموبيل جولدارىن, ياعني, حالىقارالىق, رەسپۋبليكالىق, وبلىستىق, اۋداندىق جولدار تۋرالى اقپاراتتى جيناۋ جانە ەسەپكە الۋ ۇدەرىستەرىن اۆتوماتتاندىرۋعا مۇمكىندىك بەرەدى.
پلاتفورمانىڭ نەگىزگى قىزمەتىنىڭ ءبىرى جول سالاسىن دامىتۋدا اشىقتىقتى قامتاماسىز ەتۋ, سونداي-اق جول اكتيۆتەرىن سەنىمدى باقىلاۋ جانە ءتيىمدى باسقارۋ. سونىمەن قاتار «E-Joldar» اۆتوجول پايدالانۋشىلارى, جەرگىلىكتى ءوزىن-ءوزى باسقارۋ ورگاندارى جانە جول اكتيۆتەرىن باسقارۋعا جاۋاپتى ماماندار اراسىندا تىعىز بايلانىس ورناتۋعا جاعداي جاسايدى.
ءمينيستردىڭ ايتۋىنشا, پلاتفورمانى ەنگىزۋ 2026 جىلدىڭ ءبىرىنشى جارتىجىلدىعىنا جوسپارلانعان, بۇل جول قىزمەتتەرىنىڭ ساپاسىن ەداۋىر ارتتىرۋعا جانە ينفراقۇرىلىممەن بايلانىستى ماسەلەلەردى شەشۋدى جەدەلدەتۋگە مۇمكىندىك بەرەدى.