جەڭىسكە 100 كۇن قالعاندا

ءىس-شارا جاستاردى وتانسۇيگىشتىككە تاربيەلەۋگە, ارداگەرلەردى قۇرمەتتەۋگە, ەكىنشى دۇنيەجۇزىلىك سوعىسقا قاتى­سۋشىلاردىڭ باتىرلىعىن ناسيحاتتاۋعا, سونداي-اق وتاندى قورعاۋدىڭ قۇندى­لىعىن جانە ۇرپاقتاردىڭ تاريحي ساباق­تاستىعىن تەرەڭ تۇسىنۋگە باعىتتالعان.

باۋىرجان مومىش ۇلى اتىن­داعى 5571 اسكەري ءبولىمىنىڭ اسكە­ري قىزمەتشىلەرى بۇل يگى باستامانى 28 گۆارديالىق-پانفيلوۆشىلار سايا­باعىنداعى ماڭگىلىك الاۋعا گۇل شوق­تارىن قويۋدان باستادى. ءبولىمنىڭ اس­كەري وركەسترى ساياباقتاعى داڭق مەموريالى الدىندا سوعىس جىلدارىنداعى اندەر مەن مۋزىكالاردى ورىندادى.

100 كۇن بويى وتەتىن ماڭىزدى شارا اياسىندا ەكىنشى دۇنيەجۇزىلىك سوعىس ارداگەرلەرى مەن تىل ەڭبەككەرلەرىنە قول­داۋ جانە قايىرىمدىلىق كو­مەك كورسەتۋ اكتسيالارى, اسكەري قىز­مەت­شىلەر مەن ۇلتتىق ۇلان ارداگەر­لە­رىنىڭ قاتىسۋىمەن ءبىلىم بەرۋ ۇيىمدا­رىنداعى ەرلىك ساباقتارى, اسكەري بولىمدەردە «اشىق ەسىك كۇندەرى», جاس­تار اراسىندا پاتريوتتىق چەلەندجدەر ۇيىمداستىرىلادى. سونداي-اق ارداگەر ءۇيىنىڭ الدىندا اسكەري وركەستر سوعىس جىلدارىنداعى اندەردى ورىندايدى. ۇلتتىق ۇلاننىڭ اسكەري قىزمەتشىلەرى سالتاناتتى شەرۋمەن ءوتىپ, ارداگەرگە اسكەري سالەم بەرەدى. اكتسيا مامىردا – جەڭىستىڭ 80 جىلدىعى مەرەكەسى كەزىندە قورىتىندىلانادى.