2024 جىلى قازاقستاندا 18,96 ملن شارشى مەتر تۇرعىن ءۇي سالىندى. بۇل – قازاقستان تاۋەلسىزدىك العاننان بەرى تۇرعىن ءۇي قۇرىلىسىنداعى رەكوردتىق كورسەتكىش, دەپ حابارلايدى Egemen.kz قر يندۋستريا جانە قۇرىلىس مينيسترلىگىنىڭ ءباسپاسوز قىزمەتىنە سىلتەمە جاساپ.
«2024 جىلدىڭ قورىتىندىسى بويىنشا 172 089 باسپانا پايدالانۋعا بەرىلدى. ونىڭ 39 064 جەكە ءۇي. وڭىرلەر اراسىندا شىمكەنت قالاسى, پاۆلودار, تۇركىستان جانە قىزىلوردا وبلىستارى قۇرىلىس قارقىنى بويىنشا كوش باستاپ تۇر», دەلىنگەن حابارلامادا.
سونداي-اق جالعا بەرىلەتىن مەملەكەتتىك تۇرعىن ۇيلەردە تۇراتىن 71 مىڭعا جۋىق ازاماتقا پاتەرلەرىن جەكەشەلەندىرۋگە مۇمكىندىك بەرىلدى. جالدامالى تۇرعىن ءۇي يەلەرىنىڭ كوپشىلىگى حالىقتىڭ الەۋمەتتىك وسال توپتارى, ۇوس ارداگەرلەرى, مۇگەدەكتىگى بار ازاماتتار, كوپ بالالى وتباسىلار, جەتىم بالالار جانە ت.ب.
الەۋمەتتىك وسال توپتار ساناتىنداعى مۇقتاج ازاماتتار ءۇشىن اكىمدىكتەر 20 مىڭنان استام پاتەر ساتىپ الدى. 13 مىڭعا جۋىق وتباسى العاش رەت جەكە باسپانانىڭ يەسى اتاندى.
ودان بولەك, 2300 ازاماتقا يپوتەكا بويىنشا باستاپقى جارنانى جابۋ ءۇشىن تۇرعىن ءۇي سەرتيفيكاتتارى تۇرىندە 2,6 ملرد تەڭگە ءبولىنىپ, 10,4 مىڭ ازاماتقا تۇرعىن ءۇيدى جالعا العانى ءۇشىن جالداۋ اقىسىنىڭ ءبىر بولىگىن جابۋ ءۇشىن تۇرعىن ءۇي تولەمدەرى سۋبسيديالاندى.
«ناۋرىز» جانە «وتاۋ» مەملەكەتتىك باعدارلامالارى اياسىندا 2024 جىلى 10 مىڭعا جۋىق وتباسى تۇرعىن ءۇي جاعدايىن جاقسارتتى. 64 مىڭعا جۋىق وتباسىن قولداۋعا 1 ترلن. تەڭگە بولىنگەن. مەملەكەت جالداۋ اقىسىن سۋبسيديالاۋ جانە جەڭىلدەتىلگەن يپوتەكالىق نەسيەلەر بەرۋ بويىنشا قولداۋ كورسەتۋدى جالعاستىرادى.
«2025 جىلى ەلىمىزدە 19 ملن. شارشى مەتر نەمەسە 175 مىڭ تۇرعىن ءۇي, 2029 جىلعا قاراي 111 ملن. شارشى مەتر سالۋ جوسپارلاندى», دەلىنگەن حابارلامادا.