پرەزيدەنت قاسىم-جومارت توقاەۆ مارقۇم پوليتسەي شالحار بايجومارتوۆتى ءىىى دارەجەلى «ايبىن» وردەنىمەن ماراپاتتادى, دەپ حابارلايدى Egemen.kz.
مەملەكەتتىك ناگرادانى مارقۇمنىڭ اكەسىنە قر ىشكى ىستەر ءمينيسترىنىڭ ورىنباسارى ايدار سايتبەكوۆ الماتى وبلىسىنىڭ پوليتسيا دەپارتامەنتىنە جۇمىس ساپارىمەن بارعان كەزدە تابىس ەتتى. ول مارقۇمنىڭ وتباسىنا كوڭىل ايتىپ, اعا لەيتەنانت بايجومارتوۆتىڭ ەرلىگىن, ازاماتتاردىڭ قاۋىپسىزدىگىن قامتاماسىز ەتۋدەگى ادالدىعى مەن ۇلەسىن ەرەكشە اتاپ ءوتتى.
«ىشكى ىستەر ورگاندارىنىڭ قىزمەتكەرلەرى قىلمىسقا قارسى كۇرەستە جانە ءتارتىپتى قامتاماسىز ەتۋ كەزىندە ءاردايىم الدىڭعى قاتاردا. شالحار بايجومارتوۆ ءوز ءومىرىن قۇربان ەتە وتىرىپ, وتانىنا ادال قىزمەت ەتكەنىن دالەلدەدى», دەدى ايدار سايتبەكوۆ.
ەستەرىڭىزگە سالا كەتەيىك, قايعىلى وقيعا 2024 جىلدىڭ 20 جەلتوقسانىندا بولعان. جول-كولىك وقيعاسىن تىركەۋ كەزىندە Toyota Camry كولىگىنىڭ جۇرگىزۋشىسى رولگە يە بولا الماي, پوليتسيا قىزمەتكەرىن قىزمەتتىك كولىگىنە قىستىرىپ العان. وقيعا سالدارىنان پوليتسەي كوز جۇمدى.