كەلەلى كەزدەسۋلەر جالعاستى

سەناتور رۋسلان رۇستەموۆ قىزىلوردا وبلىسىنا بارعان ساپارىندا اقجارما اۋىلىن گازعا قوسۋ راسىمىنە ارنايى قاتىستى. قازىرگى كەزدە ءوڭىردى گازداندىرۋ جۇمىستارى قارقىندى تۇر­دە جالعاسىپ جاتىر. بىلتىر وسى ماقساتقا 30 ملرد تەڭگەدەن اسا قارجى ءبولىنىپ, جاڭا­دان 330 شاقىرىم گاز قۇبىرى سا­لىنعان ەدى. وتكەن جىلدىڭ قو­رىتىندىسى بويىنشا, وبلىس­تى گازداندىرۋ دەڭگەيى 78%-دى قۇرادى. ال بيىل تاعى 10-نان اسا ەلدى مەكەندى گازبەن قامتۋ جوسپارلانىپ وتىر.

سەناتور پرەزيدەنت قاسىم-جومارت توقاەۆتىڭ «Ana tili» گازەتىنە بەرگەن سۇح­باتىندا ايتىلعان اۋىل­دىق ينفراقۇرىلىمدى دامىتۋ ساياساتىنىڭ ناتيجەسى, قىزىلوردا وبلىسىن گازدان­دىرۋدىڭ قارقىندى جۇزەگە اسۋى ەكەنىن اتاپ ءوتتى.

«پرەزيدەنت ايقىنداعان نەگىزگى باسىمدىقتىڭ ءبىرى – حالىقتىڭ, اسىرەسە, وڭىردەگى تۇرعىنداردىڭ ءومىر ءسۇرۋ جاع­دايىن جاقسارتۋ جانە ينف­را­قۇرىلىمدى دامىتۋ. اقجارما اۋىلى مەن وبلىستىڭ باسقا دا ەلدى مەكەندەرىن گازدان­دىرۋ وسى مىندەتتەردىڭ ءساتتى جۇزەگە اسۋىنىڭ ايقىن دالەلى», دەدى سەناتور.

دەپۋتات ءوڭىر تۇرعىندارىن ساپالى اۋىزسۋمەن قامتاما­سىز ەتۋدەگى قول جەتكەن جەتىستىك­تەرمەن دە تانىستى. 2022 جىلدان بەرى 16,8 ملرد تەڭگە كولەمىندە 55 جوبا جۇزەگە اسىپ, ورتالىق سۋ جۇيەسىمەن قامتۋ دەڭگەيى 98,6%-عا جەتكەن. بيىل بۇل كورسەتكىشتى 100%-عا جەتكىزۋ جوسپارلانىپ وتىر. سونىمەن قاتار ەلەكتر جەلىلەرىن جاڭعىرتۋ جۇمىستارى قارقىندى ىسكە اسىپ كەلەدى. جالپى قۇنى 11 ملرد تەڭگەنى قۇرايتىن 38 جوبا جۇزەگە اسىپ, جەلىلەردىڭ توزۋ دەڭگەيىن 62%-عا دەيىن تومەن­دەتۋگە قول جەتكىزىلگەن.

سەناتور بەكبولات ورىن­بەكوۆ جامبىل وبلىسىنىڭ قورداي اۋدانىندا بولىپ, جەرگىلىكتى حالىقتىڭ ءومىر ءسۇرۋ ساپاسىن جاقسارتۋ جونىندەگى ينفراقۇرىلىم مەن الەۋمەتتىك جوبالاردى ىسكە اسىرۋ بارىسىمەن تانىستى. حالىقپەن كەزدەسۋ بارىسىندا ول پرەزيدەنتتىڭ «Ana tili» گازەتىندە جاريالان­عان سۇحباتىندا ايتقان وزەك­تى ماسەلەلەردى تالقىلاۋعا ەرەكشە نازار اۋداردى. پرەزي­دەنت سۇحباتىندا الەۋمەت­تىك-ەكونوميكالىق دامۋدىڭ نە­گىز­گى باعىتتارى مەن ازاماتتار­دىڭ ءومىر ءسۇرۋ جاعدايىن جاقسارتۋ جونىندەگى ماڭىزدى باسىمدىقتار بەلگىلەنگەنى اتاپ ءوتىلدى. ول بيلىك ورگاندارىنىڭ بارلىق دەڭگەيدەگى قىزمەتىنە نەگىز بولاتىنى ايتىلدى.

ب.ورىنبەكوۆ گۆاردەي­سكي كەنتىنە ساپار اياسىندا پرەزيدەنت جاريا ەتكەن باسىمدىقتارعا وراي ءوڭىردىڭ ينفراقۇرىلىمىن جاقسارتۋ اياسىندا گاز قۇبىرىن, قازان­دىق پەن جىلۋمەن جابدىق­تاۋ جۇيەسىن, سۋ قۇبىرى مەن تەمىرجول ارقىلى وتەتىن جول وتكەلىن سالۋ جوبالارىمەن تانىستى. سەناتور «قورداي» وتكىزۋ بەكەتىندە دە بولىپ, شەكارادان ءوتۋدى اۆتوماتتاندىرۋ شارالارىنا كۋا بولدى. سونداي-اق قاراسۋ اۋىلىندا بولعان كەزدە «جايلى مەكتەپ» ۇلتتىق جوباسى اياسىندا سالىنىپ جاتقان 300 ورىن­دىق جاڭا مەكتەپتى كورىپ, وسكەلەڭ ۇرپاقتى وقىتۋ مەن تاربيەلەۋ ءىسىن جاقسارتۋدا زاماناۋي ءبىلىم بەرۋ مەكەمەسى زور ىقپال ەتەتىنىن اتاپ ءوتتى.

«مەملەكەت باسشىسى «Ana tili» گازەتىنە بەرگەن سۇحباتىندا الەۋمەتتىك ينفراقۇرىلىمدى دامىتۋدىڭ ماڭىزىنا ەرەكشە توقتالدى. ەلىمىزدە 460 مىڭ وقۋ­شىعا ارنالعان 217 جايلى مەكتەپ سالۋ جوسپارلانعانى بەلگىلى. وسىنداي جايلى مەكتەپتىڭ ءبىرى قاراسۋ اۋىلىندا سالىنىپ جاتىر. جوبانىڭ نەگىزگى ماقساتى – اپات جاعدايىنداعى مەكتەپتەر مەن ءۇش اۋىسىمدى وقىتۋ ماسەلەسىن شەشۋ, ەلدەگى مەكتەپ تاپشىلىعىن جويۋ. سونداي-اق قۇرىلىس سالاسىندا ساپا ما­سەلەسىنە ەرەكشە نازار اۋدا­رۋ ماڭىزدى. تۇرعىنداردىڭ پى­كىرىن ەسكەرە وتىرىپ, جوبا­لار­دى ىسكە اسىرۋ ارقىلى حا­لىقتىڭ ءومىر ءسۇرۋ دەڭگەيىن ەدا­ۋىر ارتتىرا الامىز», دەدى ول.

سەنات دەپۋتاتى بيبىگۇل اققوجينا قوستاناي قالاسىن­داعى ساپارىندا ارناۋلى كيىم مەن اياقكيىم جانە ورتو­پەديالىق جاستىق وندىرۋگە ماماندانعان «ازۋريت» وتان­­دىق كومپانياسىنىڭ ۇجى­مىمەن كەزدەسىپ, ءوندىرىس بارىسىمەن جانە كومپانيا­نىڭ جەتىستىكتەرىمەن تانىستى. سونداي-اق جەڭىل ونەركاسىپ سالاسىنداعى شاعىن جانە ورتا بيزنەستى قولداۋ, سونداي-اق ءونىم ساپاسىن قامتاماسىز ەتۋ ما­سەلەلەرىن تالقىلادى.

«پرەزيدەنت اتاپ وتكەندەي, ينفراقۇرىلىمدى جاڭعىرتۋ مەن 18 ميلليون شارشى مەتر تۇرعىن ءۇيدى ىسكە قوسۋ دەگەنىڭىز – جاي عانا سان ەمەس, حالىق ناقتى سەزىنەتىن وڭ وزگەرىستەر. بۇل جۇمىستى وڭىرلەردە جالعاس­تىرۋىمىز كەرەك, تۇرعىن ءۇي ­ساياساتى مەن جەرگىلىكتى بيز­­نەستى قولداۋ سياقتى بارلىق ما­سە­لەلەرگە ەرەكشە كوڭىل ءبولۋى­مىز قاجەت», دەدى سەناتور.