بىرىڭعاي جيناقتاۋشى زەينەتاقى قورى (بجزق) كەلەسى جىلعا ارنالعان جيناقتى پايدالانۋدىڭ جەتكىلىكتى شەگىن جاريالادى. 2025 جىلى زەينەتاقى جيناعىنىڭ ەڭ تومەنگى جەتكىلىكتى شەگى (تجش) وزگەرمەي, بيىلعى دەڭگەيدە وزگەرىسسىز قالاتىن بولدى.
ازاماتتار 2021 جىلدان بەرى زەينەتاقى قورىنداعى ارتىق اقشانى تۇرمىس جاعدايىن جاقسارتۋعا, ەمدەلۋگە, سەنىمگەرلىك باسقارۋعا جۇمساي باستادى. قازىرگە دەيىن بجزق-دان 3,4 ترلن تەڭگە الىنعان. ال قوردان الۋعا بولاتىن جەتكىلىكتى شەكتىڭ مولشەرى وسىمەن بىرنەشە جىل وزگەرمەي كەلەدى. تەك ادامنىڭ جاسىنا بايلانىستى 3 ملن-نان 10 ملن تەڭگەگە دەيىنگى شاما بەلگىلەنگەن. مىسالى, 20 جاستاعى ازاماتتارعا جەتكىلىكتى شەك – 3 ملن 260 مىڭ تەڭگە, ال 30 جاستاعىلارعا – 4 ملن 580 مىڭ تەڭگە, 40 جاستاعىلارعا 6 ملن 100 مىڭ تەڭگە بولماق.
كەلەر جىلعا ارنالعان تجش ەسەپتەۋ كەزىندە بىرنەشە الەۋمەتتىك-ەكونوميكالىق كورسەتكىشتەر پايدالانىلعان:
ەڭ تومەنگى جالاقى مولشەرى (85 000 تەڭگە); مەملەكەتتىك بازالىق زەينەتاقى تولەمىنىڭ ەڭ تومەنگى مولشەرى (32 360 تەڭگە); زەينەتاقىنىڭ ەڭ تومەنگى مولشەرى (62 771 تەڭگە); بازالىق الەۋمەتتىك تولەمدەردىڭ مولشەرىن ەسەپتەۋ ءۇشىن ەڭ تومەنگى كۇنكورىس دەڭگەيىنىڭ شاماسى (46 228 تەڭگە).