الەمدەگى ەڭ بەدەلدى رەيتينگ اگەنتتىكتەرىنىڭ ءبىرى «S&P Global Ratings» ەلىمىزدىڭ بانك جۇيەسىنە قاتىستى باعالاۋىن جاقسارتتى. بۇرىن بانك جۇيەسى 8-توپتا تۇرسا (مۇندا تاۋەكەلدەر كوپ دەگەن ءسوز), قازىر 7-توپقا كوتەرىلدى.
«Bicra» رەيتينگىندە ءبىر ساتى كوتەرىلدىك. بانك سەكتورىنىڭ سالالىق تاۋەكەلدەرى ازايعان. ياعني بۇرىنعىعا قاراعاندا تۇراقتىراق ءارى قاۋىپسىز بولىپ وتىر. «S&P Global Ratings» مالىمدەۋىنشە, بۇعان قارجى نارىعىن رەتتەۋ جانە دامىتۋ اگەنتتىگى جاساعان شارالار اسەر ەتكەن. ولار جىل بويى بانك جۇيەسىندەگى داعدارىستىڭ الدىن الۋعا, نارىقتىق وزگەرىس كەزىندە تۇراقتى وپەراتسيالىق قىزمەت جاساۋعا تىرىسقان. S&P پىكىرىنشە, بۇل شارالار ەلدىڭ قارجىلىق ورنىقتىلىعىن جاقسارتۋعا ىقپال ەتكەن. ماسەلەسى كوپ كرەديتتەردىڭ ۇلەسى ازايعان. 2020 جىلى 18% بولسا, قازىر 7-7,5%-عا تومەندەگەن. بۇل جەتىستىك ەلدەگى 7 بانككە ءوز رەيتينگىن جاقسارتۋعا مۇمكىندىك بەردى.
سوندا قانداي شارالار جاسالعان دەگەن سۇراق تۋى مۇمكىن. «S&P» بۇل ساۋالعا دا جاۋاپ بەرە كەتىپتى. بىرىنشىدەن, جىل بويىنا بانكتەردەگى تاۋەكەلدەردى باقىلاۋ كۇشەيگەن. ەكىنشىدەن, اكتيۆتەردىڭ ساپاسىن باعالاۋ (AQR) جۇيەسى ەنگىزىلىپ, بانكتەردىڭ جاعدايى ناقتى تەكسەرىلە باستاعان. ۇشىنشىدەن, تۇتىنۋشىلىق كرەديتتەردى باقىلاۋ قاتاڭدادى, ياعني حالىققا شامادان تىس نەسيە بەرىلمەۋىن قاداعالادى. تورتىنشىدەن, قاداعالاۋ جۇيەسى جەتىلگەن.
زەرتتەۋگە قاراپ, بانك جۇيەسىنىڭ تۇراقتى ەكەنىن ءارى قاۋىپتىڭ ازايعانىن كورەمىز. بانك سەكتورىنىڭ ماكروەكونوميكالىق سىن-تەگەۋرىندەر مەن گەوساياسي تاۋەكەلدەرگە ورنىقتىلىعى بايقالادى. ال ءبىر قىزىعى, اگەنتتىك وتاندىق بانكتەر اكتيۆتەرىنىڭ ساپاسى مەن قارجىلىق كورسەتكىشتەرى كۇتكەننەن دە اسىپ تۇسكەنىن حابارلاپ وتىر.