ۇلتتىق قۇندىلىقتاردى باعالاۋ, ناسيحاتتاۋ – ەلگە مىندەت. وسى ورايدا جاڭاوزەن قالاسىنىڭ كىرەبەرىسىنە بيىكتىگى – 10, ەنى 4 مەتر بولاتىن «دومبىرا» ينستاللياتسياسى ورناتىلدى. بۇل نىسان تارتىمدى ورىن عانا ەمەس, قالا كوركىن ارتتىرۋ, ۇلتتىق مۇرانى قۇرمەت تۇتۋ, قازاقتىڭ ءۇنى مەن اسىل دۇنيەسىن جان-جاقتى ناسيحاتتاپ, جاس ۇرپاقتىڭ ساناسىنا ءسىڭىرۋ باعىتىندا ماڭىزدى ورىن.
«دومبىرا – ءبىزدىڭ تاريحىمىز, ۇلتتىڭ ءۇنى. اتا-بابامىز ىشكى كۇيزەلىسىن دە, قۋانىشىن دا دومبىرامەن جەتكىزگەن. كەلىننىڭ بەتىن دە ۇلتتىق اسپاپپەن اشقان. ءبىز جاڭاوزەندى قايماعى بۇزىلماعان سالت-ءداستۇر مەن مادەنيەتتىڭ وشاعى, ءبىلىم مەن وركەنيەتتىڭ قالاسى ەكەنىن كورسەتكىمىز كەلدى», دەيدى جاڭاوزەن قالالىق تۇرعىن ءۇي-كوممۋنالدىق شارۋاشىلىق جانە تۇرعىن-ءۇي ينسپەكتسياسى ءبولىمىنىڭ باسشىسى ادىلەت ءسامي.
قازىرگى ۋاقىتتا ينستاللياتسيا اۋماعىنا قوسىمشا جارىق شامدار قويىلىپ, ابباتتاندىرىلىپ جاتىر. حالقىمىزبەن بىرگە جاساپ كەلە جاتقان ءتول اسپابىمىز – دومبىراعا قالاي قۇرمەت كورسەتسەك تە ارتىق ەمەس, سوندىقتان جاڭاوزەن كىرەبەرىسىندەگى ارت-وبەكت حالىقتىڭ كوڭىلىنەن شىعادى دەپ ويلايمىز.
ماڭعىستاۋ وبلىسى