«جالپى اۋديت ناتيجەلەرى بويىنشا 142 ملرد تەڭگە بيۋدجەت قاراجاتىنىڭ تيىمسىز جوسپارلانعانى جانە پايدالانىلعانى, 2 ملرد تەڭگەگە قارجىلىق بۇزۋشىلىقتار انىقتالدى. ەكونوميكالىق شىعىندار مەن جىبەرىپ العان پايدا شامامەن 5 ملرد تەڭگەنى قۇرادى. بيۋدجەتكە 2 ملرد تەڭگە وتەلدى جانە قالپىنا كەلتىرىلدى», دەدى جوعارى اۋديتورلىق پالاتا توراعاسى ءاليحان سمايىلوۆ.
ونىڭ ايتۋىنشا, 4 فاكت بويىنشا ماتەريالدار قۇقىق قورعاۋ ورگاندارىنا جىبەرىلەدى. 322 ماتەريال اكىمشىلىك جاۋاپكەرشىلىككە تارتۋ ءۇشىن جىبەرىلگەن.
ء«ماجىلىستىڭ اگرارلىق ماسەلەلەر كوميتەتىنىڭ بارلىق ۇسىنىسى ۇكىمەتكە بەرىلگەن ۇسىنىمداردا جانە مەملەكەتتىك ورگاندارعا بەرىلگەن تاپسىرمالاردا ەسكەرىلدى. اۋىل شارۋاشىلىعىن دامىتۋ ماسەلەلەرى بويىنشا بىرلەسە جۇمىس ىستەپ, جان-جاقتى قاراستىرعانى ءۇشىن ءماجىلىس دەپۋتاتتارىنا العىس ايتامىز», دەدى ءا.سمايىلوۆ.
جوعارى اۋديتورلىق پالاتا توراعاسى سۋبسيديالاۋدىڭ قاراپايىم جانە ايقىن الگوريتمى قاجەت ەكەنىن اتاپ ءوتتى.
«سالانىڭ ستراتەگيالىق قۇجاتتارىن ىسكە اسىرۋعا بولىنەتىن قاراجاتتىڭ اسەرىن بارىنشا ارتتىراتىنداي ەتىپ سۋبسيديالار تىزبەسىن قايتا قاراۋ قاجەت. سۋبسيديالار ونىمدىلىكتى ارتتىرۋعا جانە وزىق اگروتەحنولوگيالاردى ەنگىزۋگە ىنتالاندىرۋى ءتيىس.سالا سۋبەكتىلەرىنە كرەديت بەرۋ, ساقتاندىرۋ مۇمكىندىكتەرىن جانە باسقا دا قولداۋ قۇرالدارىن كەڭەيتۋ قاجەت ەكەنى انىق. مىسالى, فەرمەردە كەپىل مۇلكى بولماعان نەمەسە جەتكىلىكسىز بولعان جاعدايدا مەملەكەتتىك دامۋ ينستيتۋتتارى تاراپىنان كەپىلدىك بەرۋ ماڭىزدى», دەدى ءا.سمايىلوۆ.