كيپر ناتو-عا كىرۋگە نيەتتى ەكەنىن مالىمدەدى, دەپ حابارلايدى Egemen.kz DW باسىلىمىنا سىلتەمە جاساپ.
بۇل تۋرالى جۋرناليستەرگە ەل پرەزيدەنتى نيكوس حريستودۋليدەس راستادى. ول ۆاشيڭتونمەن سولتۇستىك اتلانتيكالىق اليانسقا كىرۋ جولدارى تالقىلانىپ جاتقانىن ايتتى. رەسپۋبليكانىڭ اليانسقا مۇشەلىگىنىڭ ۇسىنىلعان ءۇش دەڭگەيى قاراستىرىلىپ جاتىر.
كيپر پرەزيدەنتىنىڭ ايتۋىنشا, تۇركيانىڭ قارسىلىعىنا بايلانىستى ەلدىڭ ناتو-عا مۇشە مەملەكەت بولا الماۋى ەل ارمياسىن مودەرنيزاتسيالاۋدا دا, اسكەري تەحنيكا الۋدا دا كوپتەگەن مۇمكىندىكتەردەن ايىرادى.
نيكوس حريستودۋليدەس اتاپ وتكەندەي, ەلدىڭ توسقاۋىلدىق الەۋەتىن كۇشەيتۋ وتە ماڭىزدى. بۇل ارقىلى ول ەلدىڭ ناتو مەن امەريكا قۇراما شتاتتارى, سونداي-اق ارال قاتىساتىن ەو قورعانىس باعدارلامالارى ارقىلى مۇندا مۇمكىندىكتەر ىزدەپ جاتقانىن ءتۇسىندىردى.
سونىمەن بىرگە ول كيپردىڭ باستى ارتىقشىلىعى – ارالدىڭ «ەرەكشە گەوستراتەگيالىق ماڭىزى بار ايماقتا» گەوگرافيالىق ورنالاسۋىن اتاپ ءوتتى.