كەشە پرەمەر-ءمينيستردىڭ ءبىرىنشى ورىنباسارى باقىتجان ساعىنتاەۆ دۇنيەجۇزىلىك بانكتىڭ (دب) «Doing Business» رەيتينگىندەگى قازاقستاننىڭ پوزيتسياسى ماسەلەلەرى بويىنشا كەڭەس وتكىزدى, دەپ حابارلادى پرەمەر-ءمينيستردىڭ ءباسپاسوز قىزمەتى.
كەڭەس جۇمىسىنا سونداي-اق, دب جاھاندىق ينديكاتورلار توبىنىڭ ديرەكتورى لوپەس كلاروس اۋگۋستو, ەۋروپا جانە ورتالىق ازيا ءوڭىرى بويىنشا وڭىرلىك ديرەكتور كۋمار دجا ساروج, بانكتىڭ قازاقستانداعى تۇراقتى وكىلى ليۋدميلا بۋتەنكو قاتىستى.
قازاقستاندىق مەملەكەتتىك ورگانداردىڭ وكىلدەرى دب قىزمەتكەرلەرىنە رەسپۋبليكادا Doing Business رەيتينگىندەگى پوزيتسيانى جاقسارتۋ بويىنشا قابىلدانىپ جاتقان شارالار تۋرالى حابارلادى.
ساۋىردە دۇنيەجۇزىلىك بانكتىڭ باس وفيسىندە مەملەكەتتىك ورگاندار وكىلدەرىنەن تۇراتىن وزىق توپ قازاقستاندا «مەملەكەتتىك باسقارۋ تۋرالى», «قازاقستان رەسپۋبليكاسىندا كاسىپكەرلىك قىزمەتتى جاقسارتۋ جونىندەگى تۇبەگەيلى شارالار تۋرالى», «مەملەكەتتىڭ كاسىپكەرلىككە قىزمەتكە قاتىسۋىن شەكتەۋ تۋرالى» زاڭدارعا وزگەرىستەر ەنگىزىلۋى شەڭبەرىندە ءجۇرگىزىلگەن رەفورمالاردىڭ تۇساۋكەسەرىن وتكىزدى. كەزدەسۋ قورىتىندىسى بويىنشا دب ساراپشىلارى رەفورمالارعا وڭ باعا بەردى.
تاراپتار 2015 جىلى Doing Business رەيتينگىندەگى رەسپۋبليكانىڭ پوزيتسياسىن جوعارىلاتۋ ماقساتىندا بىرلەسكەن جۇمىستاردى جالعاستىرۋعا كەلىستى.