«اتاكەنت» ىسكەرلىك ورتالىعىندا ءحىى « ۇلى جىبەك جولىمەن» حالىقارالىق كىتاپ كورمەسى, ءححىى ء«بىلىم جانە مانساپ كورمەسى» حالىقارالىق كورمەسى اشىلدى. ەلىمىزدەگى كىتاپ ءىسىن دامىتۋ مەن ءبىلىمدى ناسيحاتتايتىن كورمەلەردە شەتەلدەردەن كەلگەن وكىلدەر, سالا ماماندارى, جاستار, ستۋدەنتتەر وسى رۋحاني كەڭىستىكتە ءارتۇرلى مادەني شارالارعا قاتىسىپ, پىكىر الماسىپ, كىتاپ ىسىنە قاتىستى الەمدەگى وزىق جەتىستىكتەردى تالقىلايتىن بولادى.
پرەزيدەنتتىڭ وزىق ويلى ۇلت قالىپتاستىرۋ تاپسىرماسىنا وراي بۇل باعىتتاعى شارالاردىڭ اياسى كەڭەيىپ, بيىل 16-20 قازان ارالىعىندا قازاقستان باسپاگەرلەرى مەن قالامگەرلەرى «Frankfurt Buchmesse 2024» 76-شى حالىقارالىق فرانكفۋرت كىتاپ جارمەڭكەسىنە قاتىسىپ قايتقان بولاتىن. قازاقستان ۇلتتىق ستەندىنە 300-گە جۋىق باسپا ونىمدەرى قويىلدى. قازاقستان جازۋشىلارىنىڭ ەڭبەكتەرى ناسيحاتتالدى. «اتامۇرا», «الماتى كىتاپ», «مەكتەپ», «Arman-PV», تاعى باسقا باسپالار حالىقارالىق كەلىسىمدەرگە قول قويىپ, تىڭ جوبالاردى ىسكە اسىرۋدى جوسپارلاپ قايتتى. وسى ارىپتەستىك نەگىزىندە «Frankfurt Buchmesse 2024» حالىقارالىق كىتاپ كورمەسىنىڭ وكىلدەرى العاش رەت ورتالىق ازيا كەلىپ, « ۇلى جىبەك جولىمەن» حالىقارالىق كىتاپ جانە پوليگرافيا كورمەسىنە قاتىستى.
كورمەنىڭ اشىلۋ سالتاناتىنا يران كونسۋلى فاگاني موحسەن, ماسكەۋ قالاسىنىڭ سىرتقى ەكونوميكالىق جانە حالىقارالىق بايلانىستار دەپارتامەنتى باسشىسى ورىنباسارى ي.پ. تكاچ, فرانكفۋرت كىتاپ جارمەڭكەسىنىڭ نەگىزگى كليەنتتەردى باسقارۋ جانە ساتۋ جونىندەگى مەنەدجەرى ۆلادكا كۋپسكا, ماسكەۋ قالاسىنىڭ سىرتقى ەكونوميكالىق جانە حالىقارالىق بايلانىستار دەپارتامەنتىنىڭ وتانداستارمەن جۇمىس جانە اقپاراتتىق ساياساتتى قامتاماسىز ەتۋ باسقارماسىنىڭ كەڭەسشىسى ا.ۆ.سۋليما, تاعى دا باسقا مارتەبەلى مەيماندار قاتىستى.
كورمەنىڭ سالتاناتتى اشىلۋىندا مادەنيەت جانە اقپارات مينيسترلىگى ارحيۆ, قۇجاتتاما جانە كىتاپ ءىسى كوميتەتى باسپا ءىسى باسقارماسىنىڭ باسشىسى الماز مىرزاحمەتوۆ, عىلىم جانە جوعارى ءبىلىم ءمينيسترىنىڭ كەڭەسشىسى رۋسلان ەمەلباەۆ, قازاقستان جازۋشىلار وداعى توراعاسىنىڭ ورىنباسارى عالىم قاليبەك ۇلى, جازۋشى, قازاقستاننىڭ ەڭبەك سىڭىرگەن قايراتكەرى الىبەك اسقاروۆ, رەسەي كىتاپ شىعارۋشىلار قاۋىمداستىعىنىڭ ديرەكتورى ك.ۆ.چەچەنەۆ, الماتى قالاسى اكىمى اپپاراتى الماتى قالاسى اكىمدىگىنىڭ ادەپ جونىندەگى ۋاكىلى ماماي احەتوۆ, رەسەي كىتاپ وداعى جوالارىنىڭ جەتەكشىسى ا.ا. نوۆوكشوۆا, الماتى قالاسى ءبىلىم باسقارماسىنىڭ ءبىلىم بەرۋدەگى جاڭا تەحنولوگيالار قالالىق عىلىمي-ادىستەمەلىك ورتالىعى ءبولىمىنىڭ ادىسكەرى ايجان اسكەرقىزى ءسوز سويلەپ, حالىقارالىق كىتاپ كورمەلەرىن وتكىزۋ رۋحاني, مادەني بايلانىستاردىڭ دامۋىنا, سونىمەن بىرگە الەمدە كىتاپ ءىسىن دامىتۋعا ىقپال ەتەتىندىگىن اتاپ ءوتتى.
كىتاپ كورمەسىنە ەلىمىزدەگى «اتامۇرا», «الماتى كىتاپ», «مەكتەپ», «Arman-PV», «دارىن», «ادال كىتاپ», «Smart University» باسپالارىنىڭ ونىمدەرى قويىلدى. كورمە بارىسىندا جاڭا شىققان كىتاپتاردىڭ تۇساۋكەسەرى جوسپارلانعان.
ءۇش كۇن ىشىندە گەرمانيا, رەسەي, قىرعىزستان, وزبەكستان, يران ەلدەرىنەن كەلگەن باسپاگەرلەر, پوليگرافيستەر مەن كىتاپ تاراتۋشىلار ىسكەرلىك بايلانىستارىن دامىتا وتىرىپ, بىرلەسكەن جوبالاردى ىسكە اسىرماق.
الماتى