پوليتسيا دەپارتامەنتى قىزمەتكەرلەرىنىڭ كولىكتەرگە جۇرگىزگەن جەدەل-ىزدەستىرۋ ءىس-شارالارىنىڭ ناتيجەسىندە شۋ ستانتسياسىنىڭ لوكوموتيۆ دەپوسىنىڭ ءماشينيسى ۇستالدى. ول ۇيىندە قاپتار مەن قوراپتارعا ءبولىپ, ورالعان ەسىرتكى زاتتارىن ساقتاعان, دەپ حابارلايدى Egemen.kz.
ءتىنتۋ كەزىندە جالپى سالماعى 12 كگ 428 گر بولاتىن ماريحۋانا ەسىرتكى زاتى تاركىلەندى.
قازىرگى ۋاقىتتا سوتقا دەيىنگى تەرگەۋ جۇرگىزىلىپ جاتىر. وزگە اقپارات تەرگەۋ مۇددەسىنە وراي جاريا ەتىلمەيدى.
ەستەرىڭىزگە سالا كەتەيىك, جىل باسىنان بەرى كولىك پوليتسەيلەرى ەسىرتكى قۇرالدارىنىڭ زاڭسىز اينالىمىنا قاتىستى 344 قۇقىقبۇزۋشىلىقتى انىقتاعان, ونىڭ ىشىندە 32 وتكىزۋ فاكتىسى, 20 اسا ءىرى مولشەردە ساقتاۋ فاكتىسى, 9 كونتراباندا فاكتىسى جانە ت.ب.
زاڭسىز اينالىمنان 205 كەلىدەن استام ءتۇرلى ەسىرتكى قۇرالدارى تاركىلەندى.