قالىڭ قاردىڭ تۇسۋىنە بايلانىستى ەلوردانىڭ كوممۋنالدىق قىزمەتكەرلەرى تاۋلىك بويى اۋىسىمدىق رەجيمدە جۇمىس ىستەپ, قالا كوشەلەرىن تازارتىپ جاتىر, دەپ حابارلايدى Egemen.kz استانا اكىمدىگىنىڭ ءباسپاسوز قىزمەتىنە سىلتەمە جاساپ.
1300-دەن استام ارنايى تەحنيكا مەن 2400-دەن استام جول جۇمىسشى كۇندىزگى اۋىسىمدا كوشەلەردى قاردان تازارتۋعا شىققان.
ەڭ الدىمەن, ەرەجە بويىنشا, جولداردا كەپتەلىس بولماس ءۇشىن قوزعالىسى قارقىندى تۇستار تازارتىلادى. سونداي-اق ورتاشا قارقىندىلىعى بار ۋچاسكەلەر – الاڭدار, ۆوكزال ماڭى, تروتۋارلار, الەۋمەتتىك نىساندارعا كىرمە جولدار جانە ت.ب. قاردان تازارتىلادى.
استانادا ءبىر اپتا ىشىندە 57 مىڭ تەكشە مەتردەن استام قار شىعارىلدى, بۇل 4595 جۇك رەيسىن قۇرايدى.
«قازگيدرومەت» رمك دەرەكتەرى بويىنشا, استانادا 11 قاراشادا كوشپەلى بۇلت, كەيدە قار, بوران بولادى. وڭتۇستىك-باتىستان سوققان جەلدىڭ جىلدامدىعى – 9-14 م/س. اۋا تەمپەراتۋراسى تۇندە جانە كۇندىز 2-4 اياز, كۇندىز ودان ءارى تومەندەيدى.