قازاق سپورتشىلارىنىڭ وتكەن اپتاداعى جارقىن جەڭىستەرى

شاحمات: بليتس-شاحماتتان ەكى دۇركىن الەم چەمپيونى ءبيبىسارا اساۋباەۆا شىمكەنتتە وتكەن گران-پري جارىسىنىڭ ەكىنشى كەزەڭىندە قولا جۇلدەگەر اتاندى. ول 9 تۋردا 2487 ۇپاي جينادى. ⠀ شايبالى حوككەي: الماتىدا شايبالى حوككەيدەن العاش رەت ۇيىمداستىرىلعان ازيا چەمپيوناتىندا قازاقستان قۇراماسى توپ جاردى. شەشۋشى ماتچتا جەرلەستەرىمىز جاپونيادان 5:1 ەسەبىمەن باسىم ءتۇستى. ⠀ ۇستەل تەننيسى: يتاليانىڭ لينيانو قالاسىندا وتكەن WTT Youth Contender Lignano 2024 حالىقارالىق تۋرنيرىندە ءجانيا بەكمۇحامبەتوۆا قولا جۇلدەگەر اتاندى. ول 13 جاسقا دەيىنگى ويىنشىلار اراسىندا سىنعا ءتۇستى. ⠀ سونداي-اق الان قۇرمانعاليەۆ ماجارستاننىڭ سومباتحەي قالاسىنداعى WTT Youth Contender Szombathely 2024 حالىقارالىق تۋرنيرىندە ءۇشىنشى ورىندى ەنشىلەدى. ⠀ ءجۇزۋ: گونكونگتا اشىق ايدىندا جۇزۋدەن ازيا چەمپيوناتىندا وتانداسىمىز لەۆ چەرەپانوۆ مارەنى ءۇشىنشى بولىپ كەسىپ, قولا جۇلدەگەر اتاندى. ⠀ ترياتلون: ساۋد ارابياسىنىڭ ءال-دجۋبايل قالاسىندا وتكەن U23 جاس ساناتىنداعى ازيا چەمپيوناتىندا جەرلەستەرىمىز 1 كۇمىس, 1 قولا مەدال يەلەندى. ⠀ ارباداعى تەننيس: گرەكيانىڭ مەسين قالاسىندا ۇيىمداستىرىلعان ITF Wheelchair Tennis Tour تۋرنيرىندە جاننا ۇمىتقۇلوۆا كۇمىس جۇلدە ولجالادى. ⠀ سامبو: سپورتتىق, جاۋىنگەرلىك جانە زاعيپ جاندار بويىنشا ەرەسەكتەر اراسىندا ەلوردادا وتكەن الەم چەمپيوناتىندا قازاقستان قۇراماسى 3 التىن, 5 كۇمىس, 9 قولا مەدالدارمەن جالپىكوماندالىق ەسەپتە 2-ورىندى ەنشىلەدى.