رەسپۋبليكا كۇنى ساعات 14:00-دەن باستاپ ەلوردانىڭ بەس اۋدانىندا شىعارماشىلىق ۇجىمدار مەن ورىنداۋشىلاردىڭ قاتىسۋىمەن كونتسەرتتىك باعدارلامالار ءوتتى, دەپ حابارلايدى Egemen.kz استانا اكىمدىگىنىڭ رەسمي سايتىنا سىلتەمە جاساپ.
الماتى اۋدانىنداعى "ينتەرناتسيونالنىي" تۇرعىن الابىندا تانىمال قازاقستاندىق كومپوزيتسيالاردى ورىنداعان "جاستار" تەاترىنىڭ ارتىستەرى ونەر كورسەتتى.
بايقوڭىر اۋدانى ء"وندىرىس” تۇرعىن الابىنداعى الاڭدا قۋىرشاق تەاترىنىڭ كونتسەرتتىك باعدارلاماسى ۇيىمداستىرىلدى, ونىڭ كەيىپكەرلەرى حالىق ەرتەگىلەرى مەن سۇيىكتى مۋلتفيلمدەرىنىڭ كەيىپكەرلەرى بولدى.
ەسىل اۋدانىنداعى "بايتەرەك" مونۋمەنتىنىڭ الدىنداعى الاڭدا كورەرمەن ءۇشىن ە. راحماديەۆ اتىنداعى مەملەكەتتىك اكادەميالىق فيلارمونياسى مەن ەلوردالىق تسيرك ارتىستەرى ونەر كورسەتتى. تسيرك ارتىستەرى ءتۇرلى-ءتۇستى اكروباتيكالىق تريۋكتەردى, جونگلەرلىك جانە فوكۋستاردى كورسەتتى.
سارىارقا اۋدانىنداعى قالالىق الاڭدا "جوشى" ەتنو-فولكلورلىق ءانسامبلى ونەر كورسەتىپ, حالىق اسپاپتارىنىڭ سۇيەمەلدەۋىمەن قازاق فولكلورىنىڭ ۇزدىك ۇلگىلەرىن ۇسىندى.
نۇرا اۋدانىنداعى ورتالىق ساياباق اۋماعىندا "ناز" مەملەكەتتىك بي تەاترىنىڭ ارتىستەرى كورەرمەن الدىندا زاماناۋي جانە ءداستۇرلى بي نومىرلەرىنىڭ باعدارلاماسىمەن ونەر كورسەتتى.
ەستەرىڭىزگە سالا كەتەيىك, رەسپۋبليكا كۇنىنە وراي استانادا 100-دەن استام مادەني-بۇقارالىق, ءبىلىم بەرۋ, سپورتتىق جانە الەۋمەتتىك ءىس-شارالار, سونىڭ ىشىندە مەرەكەلىك كونتسەرتتەر, كورمەلەر, دوڭگەلەك ۇستەلدەر, ۇلتتىق سپورت تۇرلەرى بويىنشا تۋرنيرلەر جانە ت.ب. وتكىزىلدى.
ءىس-شارالار ورتالىق الاڭدار مەن ءىرى نىسانداردا, سونداي-اق تۇرعىن الاپتاردىڭ اۋماقتارىندا, ءبىلىم بەرۋ ۇيىمدارىندا جانە ت. ب. وتكىزىلدى.
رەسپۋبليكا كۇنى قارساڭىندا حالىقتىڭ الەۋمەتتىك وسال توپتارىنا 1 مىڭنان استام ازىق-ت ۇلىك سەبەتى تاراتىلدى.
سونداي-اق كەشە ساعات 21:00-دە ترياتلون ساياباعىنىڭ اۋماعىندا مەرەكەلىك وتشاشۋ ءوتتى.