ساۋدا ىنتىماقتاستىعىنا مۇمكىندىك مول

قازاقستان مەن اۋعانستان اراسىندا ساۋدا سالاسىنداعى ىنتىماقتاستىقتى دامىتۋعا زور الەۋەت بار. اتاپ ايتقاندا, اۋعانستانعا استىق پەن ۇن ەكسپورتىن كەڭەيتۋ جانە اۋعان جەمىس-جيدەكتەرىن, كوكونىستەردى, كەپتىرىلگەن جەمىستەر مەن باسقا دا تاماق ونىمدەرىن يمپورتتاۋ. سونىمەن قاتار ەلىمىز اۋعانستاننىڭ ەكونوميكالىق دامۋىنا جانە وسى ەلدىڭ حالىقارالىق كولىك دالىزدەرىنە قوسىلۋىنا مۇددەلى. 2024 جىلدىڭ ءبىرىنشى جارتىجىلدىعىنىڭ قورىتىندىسىنا سايكەس اۋعانستاننان ەلىمىز ارقىلى ترانزيتتىك اۆتوتاسىمالداۋ كولەمى 8%-عا ارتىپ, 5 مىڭ توننادان استى. بىلتىر تران­زيتپەن 10 مىڭ توننادان اسا ادام ءوتتى.

ء«بىزدىڭ ەلدەرىمىزدىڭ اراسىندا تۇرىك­مەنستان مەن وزبەكستان ارقىلى وتەتىن تەمىر­جول ءدالىزى بار. ءبىز ترانساۋعان ءدالىزى ارقىلى ەكسپورتتىق جۇكتەرىمىزدى تران­زيت­تەۋگە مۇددەلىمىز. پاكىستاننىڭ (كاراچي, گۆادار) تەڭىز پورتتارى ارقىلى ءبىز ءۇشىن تاياۋ شىعىس, وڭتۇستىك-شىعىس ازيا, ءۇندى مۇحيتى ەلدەرىنىڭ نارىقتارى اشىلۋدا», دەپ اتاپ ءوتتى س. جۇمانعارين.

اۋعان تاراپىنا قازاقستان اۋماعى ارقىلى قىتايعا اۋعان تاۋارلارىنىڭ كەدەرگىسىز ءترانزيتى ماقساتىندا «Khorgos Gateway» قۇرعاق پورتىن لوگيستيكالىق حاب پەن كونتەينەرلەر مەن اۆتوكولىك قۇرال­دارىن سالۋ ءۇشىن پايدالانۋ ۇسىنىلدى.

سونىمەن قاتار س.جۇمانعارين مەن اۋعانستاننىڭ ساۋدا جانە ونەركاسىپ ءمينيسترى نۇريددين ازيزي ءوزارا تا­ۋار اينالىمىن 3 ملرد دوللارعا دەيىن جەتكىزۋ جونىندەگى جول كارتاسىنا قول قويدى. قۇجات ساۋدا-ونەركاسىپ, بانك, تاۋ-كەن مەتاللۋرگياسى, گۋمانيتارلىق جانە الەۋمەتتىك سالالارداعى, ەنەرگەتيكا سەكتورىنداعى, كولىك جانە لوگيستيكاداعى, تسيفرلاندىرۋداعى, تۋريزمدەگى جانە باسقا دا سالالارداعى ىنتىماقتاستىق باعىتتارىن ايقىندايدى.