ءوتىنىم بەرۋ مەرزىمى ۇزارتىلدى

بۇعان دەيىن نەسيەلىك ءوتىنىم بەرۋ مەرزىمى 18 قازانعا دەيىن ەدى. ەندى وتانداستارىمىزدىڭ تولەم قابىلەت­تىلىگىنەن ءوتىپ, ماقۇلداۋ الۋلارىنا تاعى ەكى اپتا ۋاقىت بار. ونى «وتباسى بانك» بولىمشەلەرىندە, ونلاين بانكتىڭ رەسمي سايتىندا نەمەسە «باسپانا ماركەت» پورتالىندا بەينە-قوڭىراۋ شالۋ ارقىلى, سونداي-اق كەڭەسشىلەردىڭ كومەگىمەن جاساۋعا بولادى. ەگەر قو­سىمشا تىزىمگە قاتىسۋشى «زاەم» بويىنشا ماقۇلداۋ السا, وندا تەزدەتىپ, 29 قاراشاعا دەيىن (قوسا العاندا) باسپانا تاۋىپ, ونى ساتىپ الۋ كەرەك. باعدارلاماعا قاتىسۋشىلار العاشقى نارىقتاعى ونىڭ ىشىندە قازاقستان تۇرعىن ءۇي كومپانياسى كەپىلدىگى, ۇلەستىك قاتىسۋ شارتى, ساقتاندىرۋ قۇرالى بار تۇرعىن ءۇيدى «باسپانا ماركەت» پورتالىندا تاڭدايدى. قازىرگى ۋاقىتتا كليەنتتەر تاڭداۋىندا 9 412 پاتەرگە ارنالعان 721 نىسان بار. بۇل ءتىزىم كۇن سايىن تولىقتىرىلىپ وتىرادى. قايتالاما نارىقتاعى تۇرعىن ءۇيدى مونوقالالاردا, اۋدان ورتالىقتارىندا, اۋىلدىق ەلدى مەكەندەردە ساتىپ الۋعا بولادى. زاەمنىڭ ەڭ جوعارعى مولشەرى: الماتى مەن استانا قالالارىندا – 36 ملن تەڭگەگە دەيىن; قالعان وڭىرلەردە – 30 ملن تەڭگەگە دەيىن.

ەسكە سالا كەتەيىك, «وتاۋ» مەن «ناۋرىز» باعدارلامالارىنا قاتىسۋ­شى­لاردىڭ قوسىمشا تىزىمىنە 9000 وتانداسىمىز كىرگەن. ءوتىنىش بەرۋشىلەر مەن تۇرعىن ءۇي باعدارلامالارىنا قاتىسۋشىلاردىڭ تولىق ءتىزىمى «وتباسى بانكتىڭ» رەسمي سايتىندا جاريالانعان.