اقتاۋدا اشىق ازيا كۋبوگى ءوتتى

بيىل 15-رەت ۇيىمداس­تىرىلعان جارىستىڭ اشىلۋ سالتاناتىنا ماڭعىستاۋ وبلىسىنىڭ اكىمى نۇرداۋلەت قيلىباي قاتىستى. پاريج وليمپياداسىنىڭ چەم­پيو­نى ەلدوس سمەتوۆ پەن قولا جۇل­دەگەرى عۇسمان قىرعىزباەۆ جا­رىستىڭ قۇرمەتتى قوناعى بول­دى. جارىسقا 9 ەلدەن, اتاپ ايت­قان­دا, قازاقستان, ساۋد ارا­بيا­سى, و­ز­بەكستان, موڭعوليا, قىرعىز­ستان, يران, يوردانيا, تا­جىكستان, ءۇن­دىستاننان 14 تورەشى تورەلىك ەتتى.

حالىقارالىق دزيۋدو فەدەرا­تسيا­سىنىڭ كۇنتىزبەسىنە سايكەس وت­كەن جارىستا سپورتشىلار 14, ياع­ني ايەلدەر 7, ەرلەر 7 سالماق دا­رە­­جەسىندە ءوزارا مىقتىنى انىق­تادى.

ماڭعىستاۋ وبلىسى دەنەشى­نىق­تىرۋ جانە سپورت باسقارماسى بۇقارالىق سپورت ءبولىمىنىڭ باسشىسى ەركىن ورىنباساروۆتىڭ ايتۋىنشا, تۇرار جولدىباەۆتى ەسكە الۋعا ارنالعان رەسپۋبليكا­لىق اشىق تۋرنير اقتاۋ قالا­سىندا 2009 جىلى باستاۋ الىپ, 2018 جىلدان بەرى اشىق ازيا كۋبوگى دارەجەسىنە كوتەرىلىپ, ليتسەن­زيا­لىق جارىسقا اينالعان.

– بۇل – حالىقارالىق دزيۋدو فەدەراتسياسىنىڭ كۇنتىزبەسىنە ەنگىزىلگەن ماڭىزدى سپورتتىق ءىس-شارا. ماڭعىستاۋ وبلىستىق دزيۋدو فەدەراتسياسى ماڭعىستاۋ وبلىستىق دەنەشىنىقتىرۋ جانە سپورت باسقارماسىنان 2015 جىلى 12 مامىردا اككرەديتتەۋدەن ءوتتى. قازىرگى تاڭدا وبلىسىمىزدا 12 مىڭنان اسا ادام دزيۋدو سپورتىمەن شۇعىلدانادى. سونىمەن قاتار 67 دزيۋدو جاتتىقتىرۋشىسى بار, – دەدى ە.ورىنباساروۆ.

ماڭعىستاۋ وبلىستىق دزيۋدو فەدەراتسيا­سىنىڭ ۆيتسە-پرە­زيدەن­تى نۇرلىبەك ادەكوۆتىڭ اي­تۋىن­­شا, ازيا كۋبوگى – تەك سپورت­تىق سايىس ەمەس, سونىمەن قا­تار ەلىمىزدىڭ سپورت­­تىق ءيميد­­جىن ارتتىرۋعا, حا­لىق­ارالىق دەڭ­گەي­دە تانى­مال­­­دى­لىق­قا جەتۋگە باعىتتالعان ماڭىز­دى ءىس-شارا.

– اتالعان تۋرنير سپورتتىڭ دامۋىنا, جاس دزيۋدوشىلاردىڭ شەبەرلىگىن جەتىلدىرۋگە, حالىق­ارالىق بايلانىستاردى نىعايتۋعا, سپورتتىڭ رۋحىن ارتتىرۋعا ۇلكەن ۇلەس قوسادى, – دەيدى قازاقستان دزيۋدو فەدەراتسياسىنىڭ اتقارۋ­شى ديرەكتورى ايبەك يماشەۆ.

ەرلەر اراسىندا 60 كگ سالماق دارەجەسىندە ازەربايجاندىق م.مۋرادلي, 66 كگ سالماقتا جەر­­­لە­سى­مىز ا.جۇباتقانوۆ, 73 كگ سال­ماقتا ي.توقتاسىن, 81 كگ  سال­­ماق­­­تا ا.عاينۋللين, 90, 100 كگ سال­ماق دارەجەسىندە تيىسىن­شە وتان­­­داستارىمىز ا.اراپوۆ, ب.ما­ديەۆ, 100 كگ-نان جوعارى سالماق­تا وز­بەك­ستاندىق ا.شاحنا­زاروۆ جەڭىم­پاز اتاندى. ال قىزدار ارا­سىن­دا بارلىق سالماقتا, ياعني 48, 52, 57, 63, 70, 78, +78 كگ سال­ماق دارە­جەلەرىندە د.بۋركەەۆا, ت.ابەۋو­­ۆا, د.مۇحانبەت, س.ەرعا­ليە­ۆا, م.نا­رىنوۆا, ا.جانگەل­دينا, ا.توي­شىبەكوۆا سىن­دى با­ل­ۋان قىزدا­رىمىز جەڭىستى ەش­كىم­گە بەرمەدى.

ەكى كۇنگە سوزىلعان سايىس قورى­تىندىسىندا حالىقارا­لىق دزيۋدو فەدەراتسياسىنىڭ ەرە­جەسىنە ساي رەيتينگتىك جارىس سانالاتىن اشىق ازيا كۋبو­گىنىڭ جەڭىمپازدارى مەن جۇل­دەگەرلەرىنە رەيتينگتىك ۇپاي­لار بەرىلىپ, سىي-سياپات تابىس­تالدى.

ماڭعىستاۋ وبلىسى