بيىلعى جىلدىڭ 8-10 قازان ارالىعىندا بەرلين قالاسىندا گەرمانيا ۇكىمەتىنىڭ IRF Secretariat جانە LYNC ۇەۇ-مەن بىرلەسىپ ۇيىمداستىرۋىمەن حالىقارالىق مينيسترلەر كونفەرەنتسياسى (IRF Ministerial) شەڭبەرىندەگى ءىس-شارالار ءوتتى, دەپ حابارلايدى Egemen.kz.
ەۋرازيا قۇرلىعى بويىنشا پانەلدىك ديسكۋسسيادا ءدىن ىستەرى كوميتەتىنىڭ وكىلى ازامات داناحمەتوۆ ەلدەگى ءدىني سەنىم بوستاندىعىن قامتاماسىز ەتۋ مەن كونفەسسياارالىق كەلىسىمدى نىعايتۋعا باعىتتالعان شارالار تۋرالى اقپاراتپەن ءبولىستى.سونداي-اق, اتالعان ديسكۋسسيادا گرۋزيا, مولدوۆا جانە وزبەكستان ەلدەرىنىڭ مەملەكەتتىك ورگاندارى مەن ءدىني بىرلەستىكتەرى وكىلدەرى ءدىني قىزمەت سالاسىنداعى ءوز تاجىريبەلەرىمەن ءبولىستى.
ءىس-شاراعا 40-تان استام ەلدىڭ وكىلدەرى قاتىستى.