قىزىلوردا وبلىسىنىڭ ديحاندارى سۋارۋ ماۋسىمىن قورىتىندىلادى, دەپ جازادى Egemen.kz.
قىزىلوردا وبلىسى بويىنشا «قازسۋشار» فيليالى بيىلعى سۋارۋ ماۋسىمىندا شارۋالارعا 3,7 ملرد تەكشە مەتر سۋ بەردى. كوكتەمدە مەكەمە 965 سۋ پايدالانۋشىمەن 127 مىڭ گەكتار ەگىس القابىن سۋمەن قامتاماسىز ەتۋ جونىندە كەلىسىمشارتقا وتىردى. ونىڭ ىشىندە 84,2 مىڭ گەكتارى - كۇرىش القابى.
«بيىل قىزىلوردا وبلىسى سۋارۋ ماۋسىمىن تابىستى اياقتادى. ديحانداردان سۋ جەتىسپەۋشىلى تۋرالى شاعىم تۇسكەن جوق. سۋ شىعىنىن ازايتۋ ماقساتىندا جىل باسىنان 25 سۋ ولشەۋ بەكەتىن جاڭارتتىق. كەلەسى جىلى تاعى 58 بەكەتتى قالپىنا كەلتىرۋدى جوسپارلاپ وتىرمىز. بۇل سۋ كولەمىن ءدال ەسەپتەۋگە مۇمكىندىك بەرەدى», دەدى قىزىلوردا وبلىسى بويىنشا «قازسۋشار» فيليالى باسشىسىنىڭ ورىنباسارى ايدوس اسانباەۆ.
سۋدان تاپشىلىق كورمەگەندەرىن جەرگىلىكتى ديحاندار دا راستاپ وتىر. سۋدىڭ تۇراقتى بەرىلۋىنە بايلانىستى بيىل كۇرىش ونىمدىلىگى دە ارتقان.
«بيىل سۋدان تاپشىلىق بولعان جوق, ەشقانداي ماسەلە تۋىندامادى. وسىعان دەيىن 3 جىل قاتارىنان قيىن بولعان ەدى. سۋ جەتپەي, كەزەكتەسىپ الاتىن ەدىك. وسى جىلى ۇلكەن كانالداردىڭ ءبارىن تازارتتى, شليۋزدەر ورناتتى. جاقسى جۇمىس جاسادى. ورتا ەسەپپەن گەكتارىنان 50 تسەنتنەردەن ءونىم الۋدى جوسپارلاپ وتىرمىز», دەدى شارۋا قوجالىعىنىڭ باسشىسى دانابەك ابدىبەكوۆ.