وقۋ-اعارتۋ ءمينيسترىنىڭ بۇيرىعىمەن 2025-2026 وقۋ جىلىنداعى قورىتىندى اتتەستاتسيانى وتكىزۋ ءتارتىبى بەكىتىلدى, دەپ حابارلايدى Egemen.kz.
مينيسترلىكتىڭ مالىمەتىنشە, 9-سىنىپ وقۋشىلارى ءۇشىن قورىتىندى ەمتيحاندار 29 مامىر – 11 ماۋسىم ارالىعىندا وتەدى. ولار مىندەتتى پاندەر بويىنشا ءتورت جازباشا ەمتيحان تاپسىرادى. 11-سىنىپ تۇلەكتەرىنە ارنالعان مەملەكەتتىك ەمتيحاندار 2 ماۋسىم – 15 ماۋسىم ارالىعىندا وتەدى. وقۋشىلار بەس ەمتيحان تاپسىرادى, ونىڭ ءبىرى اۋىزشا فورماتتا وتكىزىلەدى.
ۇبت-2026 جانە 1 سىنىپقا قابىلداۋ: 1 مامىردان باستاپ قازاقستاندا نە وزگەرەدى؟
نەگىزگى جانە جالپى ورتا ءبىلىم تۋرالى اتتەستاتتاردى تاپسىرۋ سالتاناتى ءبىلىم بەرۋ ۇيىمدارىندا 17-18 ماۋسىم ارالىعىندا وتەدى.
«اتتەستات تاپسىرۋ ءىس-شاراسى مەكتەپ باسشىسىنىڭ بۇيرىعى نەگىزىندە, اتا-انالار كوميتەتىمەن كەلىسۋ ارقىلى مەكتەپ عيماراتىندا وتكىزىلەدى», دەلىنگەن حابارلامادا.
ەسكە سالايىق, بۇعان دەيىن ءبىرىنشى سىنىپقا قۇجات قابىلداۋ مەرزىمى بەكىتىلگەنى تۋرالى حابارلاعانبىز.