ەلىمىزدىڭ جيھاز ونەركاسىبىنىڭ ينۆەستيتسيالىق پورتفەلى قۇنى 17 ملرد تەڭگەدەن اساتىن 9 جوبانى قامتيدى. ولاردى ىسكە اسىرۋ ارقىلى شامامەن 1000-عا جۋىق جۇمىس ورنى اشىلماق. بۇل تۋرالى «QazIndustry» يندۋستريا جانە ەكسپورت ورتالىعىنىڭ جوبالاردى ىسكە اسىرۋعا مونيتورينگ جۇرگىزۋ جانە تالداۋ ديرەكتسياسى حابارلادى.
اتالعان جوبالاردىڭ ىشىندەگى قۇنى 9,2 ملرد تەڭگە بولاتىن 4 جوبا بيىل تۇركىستان وبلىسىندا ىسكە قوسىلدى. جاڭا وندىرىستەر 375 ادامدى جۇمىسپەن قامتىدى. ونىمدەردىڭ نەگىزگى بولىگى ىشكى نارىققا باعىتتالعان.
بۇدان بولەك, جىل سوڭىنا دەيىن پاۆلودار وبلىسىندا ءبىر جوبانى ىسكە قوسۋ جوسپارلانىپ وتىر. قۇنى 388 ملن تەڭگە بولاتىن كەڭسە مەن مەكتەپ جيھازدارىن ءوندىرۋ جوباسى اياسىندا شامامەن 30-عا جۋىق جاڭا جۇمىس ورنى اشىلادى دەپ كۇتىلەدى.
جۇزەگە اسىرۋ كەزەڭىندە شىمكەنت قالاسىندا قۇنى 800 ملن تەڭگەنى قۇرايتىن 3 جوبا بار. ولاردىڭ ىشىندە جيھاز, مەديتسينالىق جيھاز بەن مەتالل شكافتار ءوندىرىسى بار. بۇل نىسانداردىڭ اشىلۋى 102 ادامدى جۇمىسپەن قامتاماسىز ەتۋگە مۇمكىندىك بەرەدى. جاڭا كاسىپورىندار ءونىمىنىڭ 9%-عا جۋىعىن الىس-جاقىن شەتەلدەرگە ەكسپورتتاۋ جوسپارلانىپ وتىر.
سونىمەن قاتار اباي وبلىسىندا جالپى قۇنى 7,5 ملرد تەڭگەگە, 530 جاڭا جۇمىس ورنى قۇرىلاتىن كورپۋستىق كەڭسە جيھازىن ءوندىرۋ جوباسىن ىسكە اسىرۋ جوسپارلانعان. جوبانىڭ نەگىزگى ينۆەستورى – قىتاي حالىق رەسپۋبليكاسى. وسىلايشا, جوسپارلانعان 5 جوبانى ىسكە اسىرۋ بارىسىندا جيھاز ونەركاسىبىنىڭ نەگىزگى كاپيتالىنا تاعى 8 ملرد تەڭگەگە جۋىق ينۆەستيتسيا تارتىلادى.