قارجى نارىعىن رەتتەۋ جانە دامىتۋ اگەنتتىگىنىڭ قولداۋىمەن «ساقتاندىرۋ تولەمدەرىنە كەپىلدىك بەرۋ قورى» اق (ستكق) ۇيىمداستىرعان جىل سايىنعى ساقتاندىرۋ فورۋمى ءوتتى. ءىس-شاراعا اگەنتتىكتىڭ, ساقتاندىرۋ نارىعىنىڭ وكىلدەرى, ساقتاندىرۋ سالاسىنداعى حالىقارالىق ساراپشىلار قاتىستى.
پانەلدىك سەسسيالار شەڭبەرىندە قاتىسۋشىلار ساقتاندىرۋ نارىعىن رەتتەۋ باعىتتارىن, اپاتتىق ساقتاندىرۋ مودەلدەرىن قۇرۋداعى ۇزدىك حالىقارالىق تاجىريبەلەردى, ءومىردى ساقتاندىرۋ سالاسىن دامىتۋدىڭ نەگىزگى اسپەكتىلەرى مەن ساقتاندىرۋ سالاسىن تسيفرلاندىرۋدى دامىتۋ جولدارىن تالقىلادى.
اگەنتتىك توراعاسىنىڭ ورىنباسارى ماريا حادجيەۆا ءوز سوزىندە ساقتاندىرۋ سەكتورىنداعى جاڭالىقتار تۋرالى ايتىپ, سالانى دامىتۋدىڭ نەگىزگى باعىتتارىن بەلگىلەدى.
اتاپ ايتقاندا, سوڭعى جىلدارى ساقتاندىرۋ ونىمدەرىنىڭ جەلىسى ەداۋىر كەڭەيتىلدى, ساقتاندىرۋ ومبۋدسمانىنىڭ داۋلاردى سوتقا دەيىنگى مىندەتتى رەتتەۋ ءراسىمىن ەنگىزۋدى قوسا العاندا, تۇتىنۋشىلاردىڭ قۇقىقتارىن قورعاۋدى ارتتىرۋ مىندەتتەرى ىسكە اسىرىلدى. ساقتاندىرۋدى تسيفرلاندىرۋدى دامىتۋدا ايتارلىقتاي پروگرەسكە قول جەتكىزىلدى. بيىلدان باستاپ شاعىن جكا بويىنشا ساقتاندىرۋ جاعدايلارىن جەڭىل رەتتەۋ (ەۋروحاتتاما), سونداي-اق ساقتاندىرۋدىڭ بارلىق مىندەتتى سىنىبى بويىنشا ونلاين رەتتەۋ قولدانىلادى.
«بۇگىندە اگەنتتىك ءۇشىن ساقتاندىرۋ ۇيىمدارىنىڭ قارجىلىق ورنىقتىلىعىن قامتاماسىز ەتۋ, ساقتاندىرۋ ونىمدەرىنىڭ تىزبەسىن كەڭەيتۋ, سەكتوردى تسيفرلاندىرۋدى دامىتۋ مەن ساقتاندىرۋ قىزمەتتەرىن تۇتىنۋشىلاردىڭ قۇقىقتارىن قورعاۋدى ارتتىرۋ نەگىزگى باسىم باعىتتار بولىپ قالا بەرەدى», دەپ اتاپ ءوتتى ماريا حادجيەۆا.
ساقتاندىرۋ فورۋمى ساقتاندىرۋ سالاسىن دامىتۋدىڭ پەرسپەكتيۆالىق باعىتتارىن ايقىنداۋ, تاجىريبە, ساراپتامالىق پىكىر الماسۋ جانە جاڭا كاسىبي بايلانىستار ورناتۋ ءۇشىن ماڭىزدى الاڭعا اينالدى.