اەس سالۋ: سەناتورلار جوبانىڭ پايداسى مەن قاۋىپسىزدىگىن ءتۇسىندىردى

سەنات توراعاسىنىڭ ورىنباسارى ولگا پەرەپەچينا مەن سەناتور اسەم راحمەتوۆا سولتۇستىك قازاقستان وبلىسىنداعى تايىنشا اۋدانىنىڭ تۇرعىندارىمەن, سونداي-اق وڭىردەگى جەتەكشى كاسىپورىنداردىڭ وكىلدەرىمەن كەزدەستى. سەناتورلار كەللەروۆكا اۋىلىندا قازاقستاندا اتوم ەلەكتر ستانساسىن سالۋدىڭ كەلەشەگىن تالقىلاۋعا ەرەكشە نازار اۋداردى. ولگا پەرەپەچينا اەس قۇرىلىسى ەلىمىزدىڭ ەنەرگەتيكالىق تاۋەلسىزدىگى مەن تۇراقتى ەكونوميكالىق دامۋدى قامتاماسىز ەتۋگە باعىتتالعان ستراتەگيالىق ماڭىزدى قادام ەكەنىن اتاپ ءوتتى. سەناتور اسەم راحمەتوۆا وسىنداي جوبالار جوعارى جاۋاپكەرشىلىكتى جانە حالىقارالىق قاۋىپسىزدىك ستاندارتتارىنا تولىق سايكەستىكتى تالاپ ەتەتىنىن اتاپ ءوتتى.

سەنات دەپۋتاتتارى نۇرلان بەكنازاروۆ, نۇرتورە ءجۇسىپ جانە ايگۇل قاپباروۆا «وڭتۇستىك» ارنايى ەكونوميكالىق ايماعىندا بولىپ, «ONTUSTIK» وڭىرلىك تەلەارناسىنىڭ, №11 قالالىق اۋرۋحانانىڭ جانە «بال تەكستيل» جشس ۇجىمدارىمەن كەزدەستى. كەزدەسۋگە قاتىسۋشىلار اتوم ەنەرگەتيكاسىن دامىتۋدىڭ كەلەشەگىن, ونىڭ الەۋەتىن جانە قازاقستاننىڭ ەنەرگەتيكالىق بولاشاعى مەن قاۋىپسىزدىگىنە قوسقان ەلەۋلى ۇلەسىن تالقىلادى. سەناتورلار يادرولىق باعدارلاماسىن دامىتۋعا قاجەتتى باي ۋران قورى بار قازاقستانعا اتوم ەنەرگەتيكاسىنىڭ پايداسى تۋرالى ايتتى. بۇل جەر قويناۋىنان الىناتىن وتىندارعا تاۋەلدىلىكتى ازايتۋعا جانە ەنەرگەتيكا سالاسىن ارتاراپتاندىرۋعا كومەكتەسەدى. پارلامەنتشىلەر اتوم ەنەرگەتيكاسى تۇراقتى جانە سەنىمدى ەلەكتر ەنەرگيا كوزىن قامتاماسىز ەتە الاتىنىن اتاپ ءوتتى. نۇرلان بەكنازاروۆ ەكونوميكانىڭ تۇراقتى دامۋى جانە رەسۋرستىق ەكونوميكادان جوعارى تەحنولوگيالىق يندۋسترياعا كوشۋ ءۇشىن سەنىمدى بازالىق ەنەرگيا قاجەت ەكەنىن جەتكىزدى.

سەنات دەپۋتاتى ءالي بەكتاەۆ ارىس قالاسىندا بولدى. وندا وبلىستىق شتاب مۇشەلەرىمەن بىرگە جەرگىلىكتى تۇرعىندارمەن جانە ەڭبەك ۇجىمدارىمەن كەزدەستى. جۇزدەسۋگە قالالىق مادەنيەت ءۇيىنىڭ, №17 كوللەدجدىڭ قىزمەتكەرلەرى جانە «Astana Railway Services» جشس وكىلدەرى دە قاتىستى. سەناتور كەزدەسۋ بارىسىندا اتوم ەلەكتر ستانتسياسىنىڭ ارتىقشىلىعى مەن ونىڭ ەل ەكونوميكاسىنا پايداسى تۋرالى جان-جاقتى ايتىپ بەردى. جەرگىلىكتى تۇرعىندار اتوم ەلەكتر ستانتسياسىن سالۋ تۋرالى باستامانى جانە رەفەرەندۋم وتكىزۋ قاجەتتىگىنە قولداۋ ءبىلدىردى.

سەنات دەپۋتاتتارى, اتوم ەلەكتر ستانساسىن سالۋ جونىندەگى حالىقتىق شتاب مۇشەلەرى الىبەك ناۋتيەۆ پەن ساعىندىق لۇقپانوۆ اتىراۋ وبلىسىنداعى ماحامبەت اۋدانىندا بولدى. ولار ساپار اياسىندا بەيبارىس اۋىلىندا ءبىلىم سالاسىنىڭ قىزمەتكەرلەرىمەن كەزدەستى. اتوم ەلەكتر ستانساسىنىڭ قۇرىلىسى مەن ونىڭ وبلىس, جالپى ەلىمىز ءۇشىن ماڭىزىن ءتۇسىندىرۋ – جۇزدەسۋدىڭ باستى تاقىرىبى بولدى. سەناتورلار اەس كومىرتەگى نەگىزىندەگى ەنەرگيا كوزدەرىنە تاۋەلدىلىكتى ازايتىپ, قورشاعان ورتاعا قالاي وڭ اسەر ەتەتىنىن ەگجەي-تەگجەيلى ءتۇسىندىردى. سونداي-اق ەلىمىزدىڭ ەنەرگەتيكالىق ستراتەگياسىنىڭ بولاشاعى ازاماتتاردىڭ شەشىمىنە بايلانىستى بولاتىنىن ايتىپ, تۇرعىنداردى رەفەرەندۋمعا داۋىس بەرۋگە بەلسەندى قاتىسۋعا شاقىردى.

سەنات دەپۋتاتى جانبولات جورگەنباەۆ الماتى وبلىسىنداعى ەڭبەكشىقازاق اۋدانىنىڭ تۇرعىندارىمەن كەزدەسىپ, وندا اتوم ەلەكتر ستانتسياسىن سالۋ جونىندەگى رەفەرەندۋم وتكىزۋ ماسەلەسىن ايماقتىق شتاب مۇشەلەرىمەن بىرگە تالقىلادى. سەناتور كەزدەسۋ بارىسىندا ەلىمىز ءۇشىن ماڭىزدى ءارى تاريحي وقيعا – جالپىحالىقتىق رەفەرەندۋمنىڭ جاقىنداپ قالعانىن اتاپ ءوتتى جانە ازاماتتاردى وعان بەلسەندى قاتىسۋعا شاقىردى. اۋدان تۇرعىندارى ماڭىزدى باستامالارعا قولداۋ ءبىلدىرىپ, ءوز ۇسىنىستارىن ءبىلدىردى.

سەنات دەپۋتاتتارى سۇيىندىك الداشەۆ پەن بەكبول ورىنباساروۆ ماڭعىستاۋ وبلىسىندا مۇناي-گاز سالاسىنىڭ قىزمەتكەرلەرىمەن جانە مۇنايشىلارمەن كەزدەسۋ وتكىزدى. سەناتورلار قازاقستاننىڭ ەنەرگەتيكالىق تاۋەلسىزدىگىنىڭ ماڭىزدىلىعىن اتاپ ءوتىپ, پرەزيدەنتتىڭ رەسپۋبليكالىق رەفەرەندۋم وتكىزۋ تۋرالى باستاماسىنا قولداۋ ءبىلدىردى. ولار سونداي-اق اەس جوباسىن جۇزەگە اسىرۋ حالىقارالىق ەڭ جوعارى ستاندارتتار مەن ەل مۇددەسىنە ساي كەلەتىنىن جەتكىزدى.

سەنات دەپۋتاتى شاكارىم بۇقتۇعۇتوۆ شىعىس قازاقستان وبلىسىنداعى وسكەمەن قالاسى مەن گلۋبوكوە اۋدانىندا بولدى. سەناتور وبلىستىق ءماسليحات دەپۋتاتتارىمەن جانە اۋداندىق, قالالىق ءماسليحات حاتشىلارىمەن كەزدەستى. كەزدەسۋگە قاتىسۋشىلار قازاقستان رەسپۋبليكاسى پارلامەنتى دەپۋتاتتارى مەن وبلىستىق ءماسليحاتتار اراسىنداعى ودان ءارى ءوزارا ءىس-قيمىل ماسەلەلەرىن تالقىلادى.

سەنات دەپۋتاتتارى ولگا بۋلاۆكينا مەن شاكارىم بۇقتۇعۇتوۆ كۇرشىم جانە سامار اۋداندارىنىڭ تۇرعىندارىمەن كەزدەستى. وندا اەس قۇرىلىسىنىڭ قاجەتتىگى مەن ەكونوميكالىق تيىمدىلىگى, اتوم ستانتسياسىنىڭ قاۋىپسىزدىگى, سونداي-اق وسى سالاعا كادر دايارلاۋ ماسەلەلەرىن تالقىلادى. سەناتور ولگا بۋلاۆكينا قازاقستاندا اتوم ەنەرگەتيكاسىن دامىتۋ كومىرتەگىنەن تىس ەنەرگيا گەنەراتسياسىنا كوشۋ جاعدايىندا ەلىمىزدىڭ يندۋستريالىق ەكونوميكاسىنىڭ تۇراقتى دامۋىن قامتاماسىز ەتۋگە مۇمكىندىك بەرەتىنىن اتاپ ءوتتى. پارلامەنتشىلەر شەمونايحا قالاسىنىڭ اكتيۆىمەن كەزدەستى جانە  «قازمينەرالس كومپانيالار توبى» كەشەنىنىڭ ارتەمەۆ كەنىشىندە بولدى. كەزدەسۋگە قاتىسۋشىلار الداعى اەس قۇرىلىسى تۋرالى رەفەرەندۋمنىڭ ماڭىزدىلىعىن تالقىلادى.

قازاقستان رەسپۋبليكاسى پارلامەنتى سەناتىنىڭ دەپۋتاتتارى نۇرلان بەكەنوۆ پەن تالعات ءجۇنىسوۆ «اقمولا ەلەكتر جەلىلەرىن تاراتۋ كومپانياسى» اق ەسىل بولىمشەسىندە بولدى جانە «قتج» اق وبلىستىق باسقارماسىنىڭ تەمىرجولشىلارىمەن كەزدەستى. كەزدەسۋلەر بارىسىندا ەلىمىزدىڭ بولاشاعىنا اسا قاجەتتى ماسەلەنى شەشۋدە ءار داۋىستىڭ ماڭىزدىلىعى اتاپ ءوتىلدى جانە ازاماتتاردى الداعى رەفەرەندۋمعا قاتىسۋعا ۇندەدى. دەپۋتاتتار بارلىق ازاماتتى سايلاۋ ۋچاسكەلەرىنە كەلۋگە جانە ەلىمىزدىڭ بولاشاعىنا وڭ ىقپال ەتەتىن شەشىم قابىلداۋعا شاقىردى.

دەپۋتاتتار ءلاززات رىسبەكوۆا مەن ارمان وتەعۇلوۆ باتىس قازاقستان قۇرىلىس ماتەريالدارى كورپوراتسياسى مەن باتىس قازاقستان ماشينا جاساۋ كومپانياسىنىڭ ۇجىمدارىمەن كەزدەستى. جۇزدەسۋگە قاتىسۋشىلار اتوم ەلەكتر ستانتسياسىن سالۋ مەن پايدالانۋداعى نەگىزگى ماسەلەلەردى, ونىڭ ىشىندە قاۋىپسىزدىگى مەن ودان ءارى قىزمەت كورسەتۋ, جەرگىلىكتى مامانداردىڭ قۇزىرەتى, سونداي-اق جاڭا جۇمىس ورىندارىن اشۋ مەن ەلەكتر ەنەرگياسىن ءوندىرۋ كولەمىن تالقىلادى.

سەنات دەپۋتاتتارى سەرىك وتەشوۆ جانە سەرگەي ەرشوۆ ساران قالاسىندا «Galex Plus» تىگىن-تريكوتاج فابريكاسىنىڭ جانە «Silk Road Electronics» تۇرمىستىق تەحنيكا ءوندىرۋ كاسىپورنىنىڭ ەڭبەك ۇجىمدارىمەن كەزدەستى. ولار سونداي-اق قاراعاندى, تەمىرتاۋ قالالارى جانە اقتاس كەنتىنىڭ تۇرعىندارىن سۋمەن جابدىقتايتىن جانە سۋ بۇرۋ قىزمەتىن ۇسىناتىن «قاراعاندى سۋ» جشس قىزمەتكەرلەرىمەن دە كەزدەسۋلەر وتكىزدى. سەناتورلار ساپار اياسىندا وبلىستىڭ پەداگوگيكا ماماندارىمەن دە جۇزدەستى.

سەناتور سەرگەي ەرشوۆ پرەزيدەنت جولداۋىنىڭ نەگىزگى ماسەلەلەرى جانە اتوم ەلەكتر ستانتسياسىن سالۋ جونىندەگى ءتۇسىندىرۋ جۇمىستارى اياسىندا «Bolashaq» اكادەمياسىنىڭ وقىتۋشىلارى جانە ستۋدەنتتەرىمەن كەزدەسۋ وتكىزدى. سەناتور كەزدەسۋ بارىسىندا اتوم ەلەكتر ستانتسياسىن پايدالانۋ قاۋىپسىزدىگى جانە وسى سالاداعى حالىقارالىق تاجىريبە تۋرالى جان-جاقتى ءتۇسىندىردى. جۇزدەسۋگە قاتىسۋشىلار اتوم ەنەرگەتيكاسىن دامىتۋدىڭ كەلەشەگى مەن تومەن كومىرتەكتى ەكونوميكانىڭ اسەرى جانە ەلىمىزدىڭ ەنەرگەتيكالىق سەكتورىن جاڭعىرتۋ ىسىنە باسا نازار اۋداردى. ستۋدەنتتەر مەن وقىتۋشىلار مۇنداي جوبالاردىڭ قازاقستاننىڭ ەكولوگيالىق جاعدايى مەن الەۋمەتتىك-ەكونوميكالىق دامۋىنا اسەرى تۋرالى سۇراقتار قويدى.

سەنات دەپۋتاتى امانگەلدى نۇعمانوۆ اقتوبە وبلىسىندا جەرگىلىكتى بيزنەس وكىلدەرى جانە ءىرى كاسىپورىنداردىڭ قىزمەتكەرلەرىمەن بىرقاتار كەزدەسۋلەر وتكىزدى. سەناتور «اتامەكەن» ۇكپ ۇجىمىمەن جانە جەرگىلىكتى بيزنەس وكىلدەرىمەن كەزدەسۋدە ەنەرگەتيكا سالاسىنداعى رەفورمالاردىڭ ماڭىزدىلىعىنا توقتالدى. ەنەرگيا رەسۋرستارى جەتىسپەي وتىرعان قازىرگى جاعدايدا اتوم ەنەرگەتيكاسىن دامىتۋ – تالقىلاۋدىڭ نەگىزگى تاقىرىبى بولدى.

«Aqtobe su-energy group» اق قىزمەتكەرلەرىمەن كەزدەسۋدە اەس جوباسى ەلىمىزدىڭ تۇراقتى جانە ەكولوگيالىق تازا ەنەرگيامەن جابدىقتالۋىن قامتاماسىز ەتۋدىڭ كىلتى بولىپ تابىلاتىنىن اتاپ ءوتتى. سەناتور مارتوك, قوبدا جانە العا اۋداندارىنا ساپارى بارىسىندا اتوم ەلەكتر ستانتسياسىنىڭ قۇرىلىسى ەنەرگيا تاۋەلسىزدىگىنە قول جەتكىزىپ, ەكولوگيالىق تازا ەنەرگيا كوزدەرىنە كوشۋگە مۇمكىندىك بەرەتىنىن ايتتى.

سەنات دەپۋتاتى سۇلتان دۇيسەمبينوۆ الماتى وبلىسى ىلە اۋدانىنىڭ تۇرعىندارىمەن, سونداي-اق «شين لاين» جشس ۇجىمىمەن جانە بايسەركە اۋىلدىق وكرۋگىنە قاراستى №28 مەكتەپ-گيمنازياسىنىڭ ۇستازدارىمەن كەزدەستى. جۇزدەسۋگە قاتىسۋشىلار اتوم ەلەكتر ستانساسىن سالۋدىڭ بۇكىل ەلىمىزدىڭ, جانە ءوڭىر ءۇشىن ماڭىزدىلىعىن تالقىلادى. سەناتور جوبا ۆوكزال توڭىرەگىندەگى ينفراقۇرىلىمدى دامىتۋ عانا ەمەس, وڭىرگە جاڭا مۇمكىندىكتەر اشاتىنى تۋرالى ايتتى.

سەنات دەپۋتاتى امانگەلدى تولاميسوۆ جەتىسۋ وبلىسىنداعى جاركەنت قالاسىندا بولىپ, جەرگىلىكتى تۇرعىندارمەن جانە حالەل حامراەۆ اتىنداعى ورتا مەكتەپ ۇجىمىمەن كەزدەستى. قازاقستاندا اتوم ەلەكتر ستانتسياسىنىڭ قۇرىلىسىن سالۋ جانە ونىڭ ەلىمىز ءۇشىن ارتىقشىلىعى تالقىلاۋدىڭ نەگىزگى تاقىرىبى بولدى.

سەنات دەپۋتاتتارى جاننا اسانوۆا مەن نۋريا نيازوۆا الماتى قالالىق بالالاردى وڭالتۋ ورتالىعىنىڭ قىزمەتكەرلەرىمەن جانە شاعىن-ورتا بيزنەس وكىلدەرىمەن كەزدەستى. جۇزدەسۋگە قاتىسۋشىلار الداعى رەفەرەندۋمنىڭ ماڭىزىن, سونداي-اق اەس-ءتى سالۋ مۇمكىندىگى تۇرعىسىنان ءوڭىردىڭ ەكونوميكالىق دامۋ ماسەلەلەرىن تالقىلادى. سەناتورلار اەس ەنەرگيانىڭ ماڭىزدى كوزى رەتىندە جۇمىس ىستەيتىنى جانە ءوز كەزەگىندە ەنەرگەتيكالىق تاۋەلسىزدىك پەن تۇراقتىلىقتى نىعايتۋعا ىقپال ەتەتىنىن اتاپ ءوتتى. سونداي-اق ينۆەستيتسيا مەن جۇمىس ورىندارىن اشۋعا جاڭا مۇمكىندىكتەر بەرە وتىرىپ, ەكونوميكانىڭ بارلىق سەكتورلارىن وركەندەتۋگە وڭ اسەر ەتەتىن بولادى.

سەنات دەپۋتاتتارى, اەس قۇرىلىسىن قولداۋ جونىندەگى رەسپۋبليكالىق حالىق شتابىنىڭ مۇشەلەرى ناۋرىزباي بايقاداموۆ پەن رۋسلان رۇستەموۆ شيەلى اۋدانىنا ساپارى اياسىندا ءوڭىردىڭ اقساقالدارىمەن كەزدەسىپ, اتوم ەلەكتر ستانتسياسىن سالۋدىڭ كەلەشەگىن تالقىلادى. ارداگەرلەر مەن اۋدان تۇرعىندارى پرەزيدەنت جولداۋىندا ايتىلعان باستاماعا قولداۋ ءبىلدىرىپ, وزدەرىن تولعاندىرعان ساۋالدارىن قويدى. سەناتورلار اقساقالدارمەن كەزدەسۋدەن كەيىن تۇران اۋىلدىق وكرۋگىنىڭ تۇرعىندارىمەن پىكىرلەسىپ, جاسىل ەنەرگەتيكانىڭ ارتىقشىلىعى مەن اتوم ەنەرگەتيكاسىن دامىتۋ جوسپارى تۋرالى اڭگىمەلەدى. رۋسلان رۇستەموۆ سونداي-اق تابيعي گازدى جەتكىزۋدەگى تۇراقسىزدىق پەن ونى ءوندىرۋدىڭ قىسقارۋى جاعدايىندا اتوم ەنەرگەتيكاسى ەل ەكونوميكاسىن دامىتۋدىڭ سەنىمدى كوزىنە اينالاتىنىن جەتكىزدى.

سەناتور ەرنۇر ايتكەنوۆ پاۆلودار وبلىسىنداعى اقسۋ قالاسى مەن ماي اۋدانىنداعى مالايسارى اۋىلىنىڭ تۇرعىندارىمەن كەزدەستى جانە وندا قازاقستاندا اتوم ەلەكتر ستانساسىن سالۋ ماسەلەسىن تالقىلادى. دەپۋتات اقسۋ قالاسىنىڭ الەۋمەتتىك جانە سپورت سالاسىنىڭ ۇجىمدارىمەن, سونداي-اق مالايسارى كەنتىنىڭ تۇرعىندارىمەن كەزدەسۋ بارىسىندا اەس قۇرىلىسى جوباسىنىڭ ستراتەگيالىق ماڭىزى تۋرالى ءتۇسىندىرۋ جۇمىستارىن جۇرگىزدى. ايتكەنوۆ ءوز سوزىندە بۇل جوبانىڭ ەلىمىزدىڭ ەنەرگەتيكالىق تاۋەلسىزدىگىن قامتاماسىز ەتۋدە ماڭىزى زور ەكەنىن اتاپ ءوتتى. ول ازاماتتاردى 2024 جىلدىڭ 6 قازانىندا وتەتىن رەفەرەندۋمعا بەلسەندى قاتىسىپ, ەل بولاشاعى ءۇشىن وسىنداي ماڭىزدى ماسەلەگە قاتىستى ازاماتتىق ۇستانىمىن بىلدىرۋگە شاقىردى.

سەناتور سوۆەتبەك مەدەباەۆ اتوم ەلەكتر ستانساسىنىڭ قۇرىلىسىنا قولداۋ كورسەتۋ جونىندەگى حالىقتىق شتاب وكىلدەرىمەن بىرگە جەزقازعان قالاسىندا «قازاقستان تەمىر جولى-جۇك تاسىمالى» اق جۇمىسشىلارىمەن كەزدەستى. جۇزدەسۋ بارىسىندا سوۆەتبەك مەدەباەۆ اتوم ەلەكتر ستانتسياسى قۇرىلىسىنىڭ ايماق ءۇشىن شەشۋشى ءرولىن اتاپ ءوتتى. ونىڭ پىكىرىنشە, ستانسا جاڭا جۇمىس ورىندارىن اشۋمەن قاتار قۇرىلىس ايماعىنداعى ينفراقۇرىلىمدى دامىتۋدىڭ كاتاليزاتورىنا اينالادى. سەناتور تەمىرجولشى قىزمەتكەرلەردىڭ رەفەرەندۋمعا قاتىسۋعا جانە ءوز ۇستانىمدارىن بىلدىرۋگە شاقىردى. سوداي-اق وسى دەموكراتيالىق پروتسەستەگى ءاربىر داۋىستىڭ ماڭىزدىلىعى اتاپ ءوتىلدى.

سەنات دەپۋتاتى عالياسقار سارىباەۆ جەتىسۋ وبلىسىندا بولدى جانە اتوم ەنەرگەتيكاسىن دامىتۋ ماسەلەلەرىن تالقىلاۋ اياسىندا ەڭبەك جانە پەداگوگيكالىق ۇجىمدارمەن, سونداي-اق, بىرنەشە اۋدانىنىڭ تۇرعىندارىمەن كەزدەستى. وندا پرەزيدەنتتىڭ ەل حالقىنا جولداۋىندا ايتىلعان اتوم ەلەكتر ستانتسياسىن سالۋ جونىندەگى رەفەرەندۋم وتكىزۋ تۋرالى باستاماسى تالقىلاندى.

عالياسقار سارىباەۆ قازاقستاندا اەس سالۋ جوباسىن ىسكە اسىرۋعا مۇمكىندىك بەرەتىن ايتارلىقتاي ەنەرگەتيكالىق الەۋەت پەن اۋقىمدى تابيعي رەسۋرستار بار ەكەنىن اتاپ ءوتتى. كەزدەسۋلەر بارىسىندا شاراعا قاتىسۋشىلار اتوم ەنەرگەتيكاسىنىڭ دامۋى جانە وڭىردەگى ەكولوگيالىق جانە ەكونوميكالىق جاعدايعا اسەرى تۋرالى  سۇراقتار قويىپ, پىكىرلەرىمەن ءبولىستى.

سەناتور سەرگەي كارپليۋك قوستاناي وبلىسىنداعى قارابالىق اۋىلىندا بولدى جانە وندا اۋداندىق اۋرۋحانا قىزمەتكەرلەرىمەن كەزدەستى. جۇزدەسۋدە قازاقستاندا اەس سالۋ – تالقىلاۋدىڭ باستى تاقىرىبى بولدى. وندا ەلىمىزدىڭ ەنەرگەتيكالىق تاۋەلسىزدىگى مەن ەكونوميكالىق تۇراقتىلىعىن نىعايتۋ ءۇشىن جوبانىڭ ستراتەگيالىق ماڭىزىنا ەرەكشە نازار اۋدارىلدى. سەناتور اتوم ەلەكتر ستانتسياسىن سالۋ قازاقستاننىڭ ەنەرگەتيكالىق سەكتورىنىڭ بولاشاعى ءۇشىن سەرپىندى قادام ەكەنىن اتاپ ءوتتى. سەرگەي كارپليۋك سونىمەن قاتار اۋرۋحانا تۇرعىندارى مەن قىزمەتكەرلەرىنىڭ سۇراقتارىنا جاۋاپ بەردى. ول اتوم ەلەكتر ستانتسياسىنىڭ قۇرىلىسى قاتاڭ ەكولوگيالىق ستاندارتتاردى ەسەپكە الا وتىرىپ جانە قورشاعان ورتاعا اسەرى مۇقيات باقىلانىپ جۇزەگە اسۋى ءتيىس ەكەنىن اتاپ ءوتتى. ونىڭ ايتۋىنشا, جوبانى ىسكە اسىرۋ بارىسىندا ەكولوگيانى قورعاۋعا باسىمدىق بەرىلەدى.

سەناتىنىڭ دەپۋتاتى باۋىرجان قانيەۆ اقتوبە وبلىسىنداعى تەمىر جانە مۇعالجار اۋداندارىنىڭ تۇرعىندارىمەن بىرگە اتوم ەلەكتر ستانتسياسىن سالۋ تۋرالى الداعى رەفەرەندۋم تاقىرىبىن تالقىلادى.

تۇرعىندار كەزدەسۋلەر بارىسىندا اتوم ەلەكتر ستانتسياسىن سالۋدىڭ ىقتيمال ارتىقشىلىعى مەن قاۋىپتەرىنە قاتىستى سۇراقتار قويدى. كوبىسى ەكولوگيالىق قاۋىپسىزدىك ماسەلەسىنە, قۇرىلىستىڭ قورشاعان ورتاعا اسەرىنە, سونداي-اق ايماق ومىرىندە بولۋى مۇمكىن الەۋمەتتىك-ەكونوميكالىق سالدارىنا نازار اۋداردى. دەپۋتات جوبانىڭ قازاقستاننىڭ تۇراقتى دامۋىنا ىقپال ەتەتىن جەر قويناۋىنان الىناتىن وتىنىنا تاۋەلدىلىكتى تومەندەتۋگە باعىتتالعانىن ءتۇسىندىرىپ, جان-جاقتى جاۋاپ بەردى.

سەنات دەپۋتاتى سۇلتان دۇيسەمبينوۆ الماتى وبلىسىنداعى تالعار اۋدانىندا زيالى قاۋىم وكىلدەرىمەن, كاسىپكەرلەرىمەن, اۋىل ەڭبەككەرلەرىمەن جانە جاستارمەن كەزدەستى. قازاقستاندا اتوم ەلەكتر ستانتسياسىنىڭ قۇرىلىسىن سالۋ  كەزدەسۋدىڭ نەگىزگى تاقىرىبى بولدى. سەناتور ءوز سوزىندە اتوم ەلەكتر ستانتسياسىن سالۋ ماسەلەسى ەلىمىزدىڭ قازىرگى ەنەرگەتيكالىق ماسەلەلەرىن شەشۋدەگى ماڭىزدى قادام ەكەنىن اتاپ ءوتتى. سۇلتان دۇيسەمبينوۆ كەزدەسۋ سوڭىندا تالعار اۋدانىنىڭ تۇرعىندارىن 6 قازاندا وتەتىن الداعى رەفەرەندۋمعا بەلسەندى قاتىسۋعا جانە اەس سالۋ ماسەلەسى بويىنشا ءوزىنىڭ ازاماتتىق ۇستانىمىن بىلدىرۋگە شاقىردى.

دەپۋتاتتار بەكبولات ورىنبەكوۆ پەن ساكەن ارۋباەۆ «تارازەنەرگوتسەنتر» ەلەكتر ستانتسياسىنىڭ ۇجىمىمەن, مۇحاممەد حايدار دۋلاتي اتىنداعى تاراز وڭىرلىك ۋنيۆەرسيتەتىنىڭ ستۋدەنتتەرى جانە وقىتۋشىلارىمەن, سونداي-اق دەنساۋلىق ساقتاۋ سالاسىنىڭ قىزمەتكەرلەرىمەن كەزدەستى. دەپۋتاتتار كەزدەسۋ بارىسىندا اتوم ەلەكتر ستانتسياسىن سالۋ قاجەتتىگى جانە ونىڭ ەل ەكونوميكاسىنا دا, حالىقتىڭ ءال-اۋقاتىنا دا اسەرى تۋرالى ايتتى. بەكبولات ورىنبەكوۆ اتوم ەلەكتر ستانتسياسى ەلىمىزدىڭ كومىر ەلەكتر ستانتسيالارىنا تاۋەلدىلىگىن ەداۋىر تومەندەتۋگە مۇمكىندىك بەرەتىنىن اتاپ ءوتتى.

اەس سالۋ جونىندەگى حالىق شتابىنىڭ قۇرامىنداعى سەناتور بيبيگۇل جەكسەنباي استانا تۇرعىندارىمەن بىرقاتار كەزدەسۋلەر وتكىزدى. وندا اەس قۇرىلىسىنىڭ تيىمدىلىگى جانە ونىڭ ەلىمىزگە ارتىقشىلىقتارى تالقىلاندى.

كەزدەسۋگە قاتىسۋشىلار جالپىۇلتتىق رەفەرەندۋم ماسەلەسى بويىنشا پىكىرلەرىن جاريا ەتتى جانە حالىق شتابىنىڭ مۇشەلەرىنە سۇراقتار قويدى. سەناتور اتوم ەلەكتر ستانتسياسىن سالۋدىڭ ەلىمىزدىڭ بولاشاعىنداعى ستراتەگيالىق ماڭىزىن اتاپ ءوتتى. «ەندوحيرۋرگيا كلينيكاسى» جشس قىزمەتكەرلەرىمەن كەزدەسۋ بارىسىندا بيبيگۇل جەكسەنباي 6 قازاندا وتەتىن رەفەرەندۋمعا بەلسەندى تۇردە قاتىسۋعا شاقىردى. سەناتور سونىمەن قاتار №84 مەكتەپ-گيمنازيا ۇجىمىمەن كەزدەسۋ وتكىزىپ, ەلىمىزدىڭ ەنەرگەتيكالىق بولاشاعىنىڭ ماڭىزدىلىعىن جانە اەس قۇرىلىسىنىڭ ەكونوميكاعا اسەرىن تالقىلادى. بيبيگۇل جەكسەنباي كەزدەسۋ سوڭىندا ازاماتتاردىڭ رەفەرەندۋمعا بەلسەندى قاتىسۋى ەلدىڭ ەنەرگەتيكالىق قاۋىپسىزدىگىن قامتاماسىز ەتۋدەگى ماڭىزدى قادام ەكەنىن اتاپ ءوتتى.