مەملەكەت باسشىسى قاسىم-جومارت توقاەۆ سەردار بەردىمۇحامەدوۆتى تۇرىكمەنستاننىڭ تاۋەلسىزدىك كۇنىمەن قۇتتىقتادى, دەپ حابارلايدى Egemen.kz اقوردا ءباسپاسوز قىزمەتىنە سىلتەمە جاساپ.
پرەزيدەنت قۇتتىقتاۋ جەدەلحاتىندا اشحابادتىڭ مەملەكەتتىلىكتى نىعايتۋداعى جارقىن جەتىستىكتەرىنە توقتالىپ, شەتەلدىك سەرىكتەستەرمەن قارىم-قاتىناستا سىندارلى ۇستانىمعا جۇگىنەتىن بەيتاراپ تۇرىكمەنستاننىڭ حالىقارالىق ارەنادا زور بەدەلگە يە ەكەنىن اتاپ ءوتتى.
مەملەكەت باسشىسى قازاقستاننىڭ تۇرىكمەنستانمەن اراداعى عاسىرلار بويى جالعاسقان دوستىق, تاتۋ كورشىلىك قاتىناس جانە ءوزارا قولداۋ داستۇرىنەن اينىماي, ەكىجاقتى ستراتەگيالىق سەرىكتەستىكتى ودان ءارى تەرەڭدەتۋگە بەيىلدى ەكەنىن راستادى.
قاسىم-جومارت توقاەۆ سەردار بەردىمۇحامەدوۆتىڭ جاۋاپتى مەملەكەتتىك قىزمەتىنە تابىس, ال باۋىرلاس تۇرىكمەن حالقىنا باق-بەرەكە تىلەدى.