« ۇلى دالا ءدۇبىرى» 5-ءشى دۇنيەجۇزىلىك كوشپەلىلەر ويىندارى اياسىندا ەلورداداعى بەلسەندى ۇزاق ءومىر ءسۇرۋ ورتالىعىنىڭ ونەرپاز زەينەتكەرلەرى ەتنواۋىلدا كونتسەرتتىك باعدارلاما ۇسىندى, دەپ حابارلايدى Egemen.kz استانا اكىمدىگىنىڭ ءباسپاسوز قىزمەتىنە سىلتەمە جاساپ.
سارىارقا اۋدانى بەلسەندى ۇزاق ءومىر ءسۇرۋ ورتالىعىنىڭ باسشىسى كەنجەبولات باپيشەۆتىڭ ايتۋىنشا, بۇگىنگى مەرەكەلىك ءىس-شاراعا اۋدانان 100 زەينەتكەر قاتىسىپ جاتىر.
كوشپەلىلەر ويىنىدارىنىڭ قوناقتارى مەن كورەرمەندەرىنە ارنالعان كونتسەرتتە زەينەتكەرلەردەن قۇرالعان «اسىل مۇرا» دومبىراشىلار ءانسامبلى ونەر كورسەتتى. سونداي-اق سانقوي اجەلەردەن قۇرالعان «Kerbez_models» توبى, حالىقارالىق جانە رەسپۋبليكالىق بايقاۋلاردىڭ جەڭىمپازدارى «قىزدار-اي» حورەوگرافيالىق ءانسامبلى مەن «كەل, شىرقايىق!» تەلەجوباسىنىڭ باس جۇلدەگەرلەرى «ادەمى» ۆوكالدىق ءانسامبلى دە كورەرمەن ىقىلاسىنا بولەندى.
سونىمەن قاتار كونتسەرتتىك ءىس-شارادا 50-گە جۋىق سپورتشى اتا-اجەلەر «ايكۇنە» قازاق گيمناستيكاسىن كورەرمەن نازارىنا ۇسىندى. قويىلىمعا قازاق گيمناستيكاسىنىڭ اۆتورى, ءداستۇرلى تۇرىك مەديتسيناسىنىڭ شەبەرى, ۇستاز اباي بايماعامبەتوۆ ءوزى جەتەكشىلىك ەتتى.
ودان بولەك, ەتنواۋىلدا قولونەرشى اجەلەر كورمەگە ءوز قولىمەن جاساعان بۇيىمداردى ۇسىندى. ال ەرىكتى زەينەتكەرلەر كوشپەندىلەر ويىندارى كەزىندە قوعامدىق جۇمىستارعا اتسالىسىپ جاتىر.