باتىس قازاقستان وبلىسىندا 47 جىلقى تيەگەن جۇك كولىگى توقتاتىلعان. پاترۋلدىك پوليتسيا قىزمەتكەرلەرى جۇرگىزۋشىنىڭ جىلقىلاردى رۇقساتسىز الىپ بارا جاتقانىن انىقتاعان, دەپ جازادى Egemen.kz.
باتىس قازاقستان وبلىسىنىڭ پوليتسيا دەپارتامەنتىنەن ءمالىم بولعانداي, شىڭعىرلاۋ اۋدانى اۋماعىنداعى سامارا-شىمكەنت كۇرە جولىندا توقتاتىلعان «ۆولۆو» جۇك كولىگىنىڭ جۇرگىزۋشىسىندە تاسىمالداۋ قۇجاتتارى بولماي شىققان.
ۆەدومستۆو مالىمدەمەسىندە: «اتالعان دەرەك بويىنشا ماتەريال جيناقتالىپ, شەشىم قابىلدانىپ, جاۋاپكەرشىلىككە تارتۋ ءۇشىن ۆەتەرينارلىق ينسپەكتسياعا بەرىلدى. وقيعانىڭ ءمان-جايى انىقتالىپ جاتىر», دەلىنگەن.