بيىل «التىن قالام» ادەبي جۇلدەسىنىڭ باستاۋ العانىنا 15 جىل تولىپ وتىر. وسى ايتۋلى داتاعا وراي, اراعا ءۇش جىل سالىپ بارىپ, ادەبي ورتادا تانىمال, تەك قازاق تىلىندە وتەتىن بايقاۋ جاڭا ماۋسىمىن جاريالادى, دەپ حابارلايدى Egemen.kz.
الدىمەن «التىن قالام» بايقاۋى ادەبي شىعارمالارعا جازۋشىلار ەمەس, وقىرماندار باعا بەرەتىن قازاقستانداعى ءبىرىنشى ادەبي جۇلدە ەكەندىگىن ەسكە سالا كەتۋگە بولادى.
جۇلدەلى ورىنداردان تالاستى تۋىندىلار قىركۇيەكتىڭ 05-نەن باستاپ, قاراشانىڭ 20-نە دەيىن قابىلدانادى. وسى ارالىقتار وقىرماندار «جىلدىڭ ۇزدىك بالالار شىعارماسى», «جىلدىڭ ۇزدىك پوەزياسى», «جىلدىڭ ۇزدىك پروزاسى», «جىلدىڭ ۇزدىك ساتيراسى», «جىلدىڭ ۇزدىك فانتاستيكا جانە دەتەكتيۆ شىعارماسى», «جىلدىڭ ۇزدىك كينوستسەناريى مەن دراماتۋرگياسى» سىندى اتاۋلى سىيلىقتارعا لايىقتى دەيتىن شىعارمالارعا داۋىس بەرەدى.
قالام ۇستاعان قاۋىمدى قارجىلىق تۇرعىدا قولداۋدى كوزدەيتىن «التىن قالام 2024» ادەبي جۇلدەسىنىڭ دەمەۋشىسى – نۇرلان سماعۇلوۆ قورى بولسا, باس اقپاراتتىق سەرىكتەسى – «رۋسسكوە راديو».
ءوز كەزەگىندە جوباعا قازاقستان ءباسپاسوز كلۋبى, «كتك», «31 تەلەارنا», «Almaty.tv», Turan TV, شالقار راديوسى, «Standadr.kz» YouTube ارناسى, «ساپالى قازاقستان» پورتالى, «Marwin» دۇكەندەر جەلىسى مەن قازاقستان مەديا اكادەمياسى .
سونىمەن العاشقى كەزەڭدە شىعارمالار www.aqalam.kz ۆەب-سايتىندا ىرىكتەلەدى. ال www.aqalam.kz سايتىنداعى ونلاين-داۋىس بەرۋ 3 اي بويى جالعاسادى. داۋىس بەرۋ اياقتالعان سوڭ ءار اتالىم بويىنشا 6 شىعارما تاڭداپ الىنادى. سايىستىڭ ەكىنشى كەزەڭىنە وقىرماندار تاراپىنان ەڭ كوپ ۇپاي جيناعان شىعارمالار جانە قازىلار نازارىنا ىلىنگەن تۋىندىلار وتەدى. اقتىق ىرىكتەۋ ساتىسىندا قازىلار ءاربىر نوميناتسيا بويىنشا جەڭىمپازداردى جاسىرىن داۋىس بەرۋ ارقىلى انىقتايدى. سايىس بارىسىندا شىعارما اۆتورلارى كورسەتىلمەيتىندىگىن اتاپ وتكەن ءجون.
سونىمەن «التىن قالام» جۇلدەسىنىڭ دۇنيەگە قالاي كەلگەنىنە توقتالاتىن بولساق, قازاق ادەبيەتىنىڭ بۇگىنى مەن بولاشاعىنا بەي-جاي قاراي المايتىن, قوعامدىق قىزمەتتىڭ ءار سالاسىندا ەڭبەك ەتىپ جۇرگەن دوسىم ساتپاەۆ, قۋات دومباي, كەنجە جۇمان ۇلى, راسۋل جۇمالى جانە ايدوس سارىم سەكىلدى ازاماتتار اقىلداسا كەلىپ, 2009 جىلى «التىن قالام» ادەبي جۇلدەسىن وتكىزۋ تۋرالى باستاما كوتەرگەن بولاتىن.
ايتا كەتەتىن جايت, كوپتىڭ تالقىسىنا ۇسىنىلعان ادەبي شىعارمالاردىڭ اۆتورى كورسەتىلمەيدى. مۇنداي تالاپتار جۇلدەنىڭ ءادىل وتۋىنە كەپىل بولا الادى.
ادەبي تۋىندىلاردى ۇيىمداستىرۋ كوميتەتىنىڭ altynqalam@yandex.kz ەلەكتروندىق پوشتاسىنا جولداۋعا, باۋقاۋ تۋرالى ەگجەي-تەگجەيلى مالىمەتتى جۇلدەنىڭ www.aqalam.kz رەسمي سايتىنان بىلۋگە بولادى.