ء«دىن ماسەلەلەرى بويىنشا بىلىكتى ماماندار دايارلاۋ» جوباسى اياسىندا الماتى وبلىسىندا اقپاراتتىق-ءتۇسىندىرۋ توپتارىنىڭ مۇشەلەرىنە ارنالعان وقىتۋ سەمينارلارى مەن ترەنينگتەرى ءوتتى, دەپ حابارلايدى Egemen.kz.
بيىلعى جىلدىڭ 22-23 تامىزىندا قوناەۆ قالاسىنداعى مادەنيەت ءۇيىنىڭ ءماجىلىس زالىندا قازاقستان رەسپۋبليكاسى مادەنيەت جانە اقپارات مينيسترلىگىنىڭ ءدىن ىستەرى كوميتەتىنىڭ قولداۋىمەن «رۋحاني جاڭعىرۋ» قوعامدىق قورىنىڭ ۇيىمداستىرۋىمەن ءدىن ماسەلەرى بويىنشا بىلىكتى مامانداردى دايىنداۋعا باعىتتالعان ءىس-شارا ءوتتى. شاراعا ء«دىن زەرتتەۋ ورتالىعىنىڭ», مەشىتتەردىڭ, ورتا جانە جوعارى وقۋ ورىندارىنىڭ جانە ت.ب. ماماندارى, يمامدارى, پسيحولوگتارى مەن تەولوگتارى قاتىستى. جيىندا ءدىن ماسەلەلەرى بويىنشا ءتۇسىندىرۋ توبىنىڭ مۇشەلەرى – زاڭ عىلىمدارىنىڭ پروفەسسورى. قر تەرروريزم جانە ەكسترەميزم ماسەلەلەرىن زەرتتەۋ ورتالىعىنىڭ قق باسشىسى بيشمانوۆ كاكىمجان مۇراتجان ۇلى جانە تەاتر پەداگوگى, كوركەمسوز وقۋ شەبەرى, جوعارى كاتەگوريالى كاسىبي ديكتور ابزەلباەۆ مۇرات نازتاي ۇلى سەمينار وقىدى.
ابزەلباەۆ مۇرات نازتاي ۇلى ء «تىل تەحنيكاسى. ءسوز ارەكەتىنىڭ ەلەمەنتتەرى. وراتورلىق ونەردىڭ نەگىزدەرى» تاقىرىبىندا سويلەۋ تەحنيكاسىن مەڭگەرۋدىڭ ءتيىمدى جولدارىن اتاپ ءوتىپ, دۇرىس تىنىس الۋدى, ءۇننىڭ قۇلاققا جاعىمدى, ءسوزدىڭ, بۋىننىڭ اشىق, ايقىن بولۋىنا سەپتىگىن تيگىزەتىن تاسىلدەرمەن ءبولىستى.
بيشمانوۆ كاكىمجان مۇراتجان ۇلى «قازاقستاننىڭ ءدىن تۋرالى زاڭناماسى. زايىرلىلىق – مەملەكەتتىك جۇيەنىڭ جانە ۇلتتىق قاۋىپسىزدىك تۋرالى تۇعىرى, ءدىني سەنىم بوستاندىعى تۋرالى تۇسىنىك» تاقىرىبىندا جاھاندىق جاعدايداعى تەرروريزم مەن ءدىني ەكسترەميزمگە قارسى كۇرەستىڭ قۇقىقتىق نەگىزدەرىن توقتالا وتىرىپ, كەلەسى كەزەكتە «زايىرلىلىق جانە زايىرلىلىق مەملەكەت ۇعىمى, ءۇنى, سيپاتى, ءمانى. زايىرلىلىق جانە ءدىني زايىرلىلىق ەتيكا نەگىزدەرى» تاقىرىبىندا ءدىن سالاسىنداعى مەملەكەتتىك ساياساتتىڭ نەگىزگى باعىتتارىن, پرينتسيپتەرىن قاتىسۋشىلارعا ءتۇسىندىردى.
سونىمەن قاتار سەمينارلار مەن ترەنينگتەر بارىسىندا قاتىسۋشىلار تاراپىنان دارىسكەرلەرگە سۇراقتار قويىلىپ, تۇجىرىمدى جاۋاپتار الىندى.