ءتىس ەمدەيتىن روبوت

تاياۋدا بوستوننىڭ «Per­­ceptive» كومپانياسى جا­ساعان روبوت العاشقى جۇمى­سىن ­باستادى. جاساندى ينتەل­لەك­تىگە نەگىزدەلگەن جۇيە 3D كو­لەمدى سكانەردى پايدالانا­دى. ول وپتيكالىق كوگەرەنت­تىك توموگرافيا (وست) كومەگى­مەن تىستەردى, قىزىل يەكتى جانە ءتىس استىنداعى جۇيكە تالشىقتارى­مەن قوسا, اۋىز قۋىسىنىڭ ەگ­جەي-تەگجەي 3D ۇلگىسىن جا­سايدى. بەينەلەۋ تەحنولوگياسى تىسجەگىنى 90 پايىزدان استام دالدىكپەن انىقتايدى. مۇنىڭ ءبارى پا­تسيەنتتىڭ  ادەتتەگى رەنت­گەن­دىك سكانەرلەۋدە بولاتىن يون­داۋشى ساۋلەلەنۋگە ۇشى­راماۋىنا مۇمكىندىك بەرەدى.

جۇيە پروتسەدۋرالاردى ورىنداۋ ءۇشىن 3D ۆي­زۋال جانە روبوتتەحنيكانى بىرىكتى­رە­دى. كومپانيا مۇشەلەرىنىڭ ­ايتۋىنشا, روبوت دارى­گەر ءتىس قاپتاماسىن قويۋ سياقتى تاپ­سىرمالاردى ارقايسىسى كەمىندە ءبىر ساعاتتان ەكى رەتتىك قابىلداۋدى تالاپ ەتەتىن قازىرگى ءادىستىڭ ورنىنا 15 مينۋتتا ورىندايدى.

«Perceptive» كومپا­نيا­سىنىڭ جاساندى ينتەللەكت الگوريتمدەرى اقپاراتتى وپەراتسيا جوسپارىنا اينالدى­را وتىرىپ, 3D دەرەكتەردى ين­تەرپرەتاتسيالايدى. كوم­پانيا بۇل پروتسەدۋرالاردى جاقسارتۋعا بولاتىنىن ايتادى. ستوماتولوگتەر ءداستۇرلى ەمدەۋ شارالارىنا قاراعاندا از ۋاقىت ىشىندە جوعارى ساپالى كۇتىممەن پاتسيەنتتەردى دياگنوستيكالاۋ جانە ەمدەۋ ءۇشىن روبوتتاردى پايدالانا الادى. سونىمەن قاتار جاڭا تەحنولوگيا  قول ەڭبەگىنە دەگەن قاجەتتىلىكتى ازايتادى ەكەن. «STAT News» مالىمەت­تەرىنە سايكەس امەريكالىق كومپانيا ءوزىنىڭ العاشقى تاجىريبەسىن كولۋمبياداعى باررانكيليا قالاسىندا وت­­­كىز­گەن. بۇل جايلى «Per­ceptive» كومپانياسىنىڭ نە­گى­زىن قالاعان باس ديرەك­تور, دوكتور كريس سيريەللو (Chris Ciriello): ء«بىز الەم­دەگى العاشقى تولىق اۆتومات­تاندىرىلعان روبوتپەن ستو­ماتولوگيالىق ەمدەۋ شارالارىن ءساتتى اياقتاعانىمىز­عا قۋانىشتىمىز. بۇل مەدي­تسينالىق جەتىستىك ستوما­تو­لوگيالىق پروتسەدۋرالار­دىڭ دالدىگى مەن تيىمدىلىگىن جاق­­سارتىپ, كلينيكالىق ناتي­جەلەرى ەمدەلۋشىلەر­گە جو­عارى ساپالى ستوما­تو­لوگيالىق كومەككە قولجە­تىمدىلىكتى ارتتىرادى», دەپ ايتقان ەكەن.

جاقىندا عانا تانىس­تى­رىلعان ستارتاپتىڭ جۇمىس ىستەۋى ءۇشىن 30 ميلليون دول­لار قارجى جينالدى. كوم­پانيا ينۆەستورلارىنىڭ قا­تارىندا «Y Combinator» جانە Facebook الەۋمەت­تىك جەلىسىنىڭ نەگىزىن قالاۋ­شى مارك تسۋكەربەرگ­تىڭ اكەسى, ءتىس دارىگەرى, دوكتور  ەدۋارد تسۋكەربەرگ بار.

نەگىزىنەن اتالعان تەحنولوگيا تاجىريبەدە قولدا­نىلعانىمەن, حالىقارالىق دارەجە­دە ساتىلىمعا شىق­پادى. ءتىپتى اقش-تىڭ وزىن­دە قولدانىسقا ەنگەن جوق. ويتكەنى كەڭى­نەن قولدا­نى­لاتىن قىزمەت­كە ­اينالماس بۇرىن  «Percep­tive» جاساعان روبوت-ستوماتولوگ­­تى اقش-تىڭ ازىق-ت ۇلىك جانە ءدارى-دارمەك باسقارماسى (FDA) ماقۇلداۋى قاجەت. ال ونىڭ جۇزەگە اسۋى ءۇشىن بىرنەشە جىل كۇتۋ كەرەك دە­سەدى.

وسىلايشا, بوستونداعى (اقش) ستارتاپ كومپانيا­سى الەمدەگى العاشقى تو­لىق اۆتوماتتاندىرىلعان ستو­ماتولوگيالىق پروتسەدۋرانى روبوتتىق تەحنولوگيا ارقىلى جاساپ, تاريحقا ەندى.

بي-فاتيما  ەرالحانقىزى,

ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ ستۋدەنتى