كەيىنگى 5 جىلدا قازاقستانداعى قالالار سانى 2 وبلىستىق جانە 1 اۋداندىق ماڭىزى بار قالالاردى قوسا العاندا 3 قالاعا ارتقان. ال ۇلتتىق ستاتيستيكا بيۋروسىنىڭ وسى جىلدىڭ 1 شىلدەدەگى دەرەگىنە ساي ەلىمىزدە قالا مارتەبەسى بار 90 ەلدى مەكەن تىركەلگەن, دەپ جازادى Egemen.kz.
ەڭ كوپ قالا اقمولا وبلىسىندا تىركەلگەن. ولاردىڭ سانى - 11. اقتوبە جانە قاراعاندى وبلىستارىندا — ارقايسىسىندا 8 قالا مارتەبەسى بار ەلدى مەكەن بار.
بەس جىل بۇرىن قالا حالقىنىڭ ۇلەسى 58% قۇراسا, بۇگىندە بۇل كورسەتكىش 62,7% دەيىن وسكەن. وسىلايشا قالا حالقىنىڭ سانى 12,6 ملن ادامعا جەتتى.
ەڭ كوپ قالا تۇرعىندارىنىڭ سانى رەسپۋبليكالىق ماڭىزى بار قالالاردا: استانا – 1,4 ملن, الماتى – 2,2 ملن, شىمكەنت – 1,2 ملن ادام. وبلىستار ىشىندە 927 مىڭ قالالىق تۇرعىنى بار قاراعاندى مەن 709 مىڭ قالا تۇرعىنى بار اقتوبە وبلىستارىندا ۋربانيزاتسيا دەڭگەيى جوعارى كورسەتكىشكە يە.