اقتوبە. 12 ماۋسىم. اقتوبە وبلىستىق تاريحي-ولكەتانۋ مۋزەيى حالىقارالىق مۋزەيلەر كۇنى مەن مادەنيەت جانە ونەر قىزمەتكەرلەرى كۇنىنە وراي «ۇزدىك ەكسكۋرسوۆود» وبلىستىق بايقاۋىنا ۇيىمداستىرىلدى. بۇل تۋرالى egemen.kz ءتىلشىسى حابارلادى.
بايقاۋعا قالا مەن اۋدانداردان 17 مۋزەي قىزمەتكەرى قاتىcتى. قازىلار القاسى قاتىسۋشىلاردىڭ كاسىبي بىلىكتىلىگى مەن بىلىمىنە, ەكسكۋرسيا جۇرگىزۋدەگى شەبەرلىكتەرىنە باسا نازار اۋداردى. بايقاۋدىڭ قورىتىندىسى بويىنشا ءبىرىنشى ورىندى وبلىستىق تاريحي-ولكەتانۋ مۋزەيىنىڭ ەكسكۋرسيا جەتەكشىسى ءلاززات نۇركەەۆا جەڭىپ الدى. ەكىنشى ورىندى العا اۋداندىق مۋزەيىنىڭ ەكسكۋرسوۆودى قالامقاس ۇزاقباەۆا يەلەنسە, جۇلدەلى ءۇشىنشى ورىندى مۇعالجار اۋداندىق اعايىندى جۇبانوۆتار مەموريالدىق مۋزەيىنىڭ قىزمەتكەرى نۇرلىگۇل قوجانوۆا مەن شالقار اۋداندىق تاريحي-ولكەتانۋ مۋزەيىنىڭ قىزمەتكەرى ايگۇل قۋانجانوۆا ءوزارا ءبولىستى.
جەڭىمپازدار وبلىستىق مادەنيەت, مۇراعاتتار جانە قۇجاتتاما باسقارماسىنىڭ العىس حاتى جانە ارنايى سىيلىعىمەن ماراپاتتالدى.
ساتىبالدى ءساۋىرباي.
دەرەك, سۋرەت: egemen.kz.