اسكەري تەڭىزشىلەر قوناەۆ قالاسىندا نىسانداردى مينادان تازارتتى. اسكەري-تەڭىز كۇشتەرى بولىمشەلەرىنىڭ وقىتۋ ساباقتارى قاپشاعاي سۋ قويماسىنىڭ جاعالاۋ ۋچاسكەسىندە, 20030 اسكەري ءبولىمىنىڭ اۋماعىندا ءوتتى.
باعدارلاما سۋ استىنداعى كەسۋ جانە دانەكەرلەۋ, سۋ استىنداعى دەتوناتسيالىق وپەراتسيالار مەن سۋ استىنداعى نىساندى ىزدەپ تاۋىپ, مينادان تازارتۋ بويىنشا پراكتيكالىق ارەكەتتەر مەن تەوريالىق ساباقتاردى قامتيدى. سونداي-اق كوتەرگىش ارقىلى باتىپ كەتكەن زاتتاردى كوتەردى. پراكتيكالىق شىڭداۋ جاۋىنگەرلەردىڭ سۋ استىنداعى قاۋىپسىزدىگىن نازارعا الا وتىرىپ وتكىزىلدى.
– ۇجىم كاسىبي تۇرعىدان دايىن. قۇرامانىڭ باستى ارتىقشىلىعى – بارلىق اسكەري قىزمەتشىلەر مىندەتتەردىڭ ماڭىزىن ءبىر كىسىدەي ءتۇسىنىپ, قاجەتتى ناتيجەگە جەتۋ ءۇشىن بىرلەسە ارەكەت ەتۋى. سۋاستى ميناسىن تازارتۋ, باعدارلاۋ جانە ىزدەۋ, سۇڭگۋىر-تەحنيكالىق جۇمىستارى نەگىزى قىزىقتى, سونىمەن بىرگە اسا قاتتى جاۋاپكەرشىلىكتى قاجەت ەتەدى. سوندىقتان بارلىق جەكە قۇراممەن ساباقتاردا جازاتايىم وقيعالاردىڭ الدىن الۋ ءۇشىن قاۋىپسىزدىك شارالارىن ساقتاۋ جونىندەگى تالاپتار سۇرالادى. ءار ادام ءوز كۇشى مەن ءىس-ارەكەتىن ءدال ەسەپتەۋدى, جوعارى فيزيكالىق دايىندىقتى, سەنىمدىلىكتى, اينالاسىنداعىلارعا جانە العا قويعان ماقساتقا دەگەن ادالدىقتى تالاپ ەتەدى. اسكەري باۋىرلاستىقتىڭ كۇشەيتىلگەن جاۋىنگەرلىك دايىندىعى مەن سەنىمدىلىگى بىزگە ءوز مۇمكىندىكتەرىمىزگە سەنىمدىلىك ۇيالاتادى. ونسىز ەشتەڭە مۇمكىن ەمەس, – دەيدى 29011 اسكەري ءبولىمىنىڭ روتا كومانديرى, كاپيتان-لەيتەنانت جانىبەك سالىكباەۆ.
مۇنداي ءىس-شارالاردى وتكىزۋ اسكەري-تەڭىز كۇشتەرىنىڭ بولىمشەلەرىنە سۋ استىنداعى مينالاردى تازارتۋ, باعدارلاۋ جانە ىزدەۋ, سۇڭگۋىر-تەحنيكالىق جۇمىس بويىنشا جاۋىنگەرلىك ماشىقتان مول تاجىريبە الۋعا, ولارعا جۇكتەلگەن مىندەتتەردى ورىنداۋ ءۇشىن قاجەتتى داعدىلاردى سىڭىرۋگە مۇمكىندىك بەرەدى. ءىس-قيمىل بارىسىندا ءوز اۋماقتارىن مينادان تازارتاتىن باسقا ەلدەردىڭ تاجىريبەسى زەردەلەنىپ, كۇندەلىكتى پراكتيكالىق جۇمىستا ەنگىزىلىپ جاتىر.