داعىستاندا ساپبوردتان يزبەرباشتاعى كاسپي تەڭىزىنە قۇلاعان 47 جاستاعى قازاقستان ازاماتىنىڭ ءمايىتى تابىلدى. ونى قۇتقارۋشىلار تورت كۇن ىزدەدى, دەپ حابارلايدى Egemen.kz.
قايعىلى وقيعا 3 تامىزدا يزبەرباش قالاسىندا بولدى. تەڭىزدە ساپبوردتار مەن تۇتىكتەر سوقتىعىسقان.
«التى ساپبوردشى زارداپ شەكتى, تورتەۋىن قۇتقارۋشىلار سۋدان شىعاردى, بىرەۋى جاعاعا شىقتى. وكىنىشكە قاراي, التىنشى ساپبوردشى سۋعا باتىپ كەتتى. ىزدەۋ-قۇتقارۋ جۇمىستارى اياقتالدى», دەلىنگەن رف تجم حابارلاماسىندا.
47 جاستاعى يسلام وتباسىمەن بىرگە داعىستانعا دەمالۋعا كەلگەن. ول ينگۋشەتيادان شىققان, بىراق كوپتەگەن جىلدار بويى قازاقستاندا تۇرادى. يسلامدا قۇتقارۋ كەۋدەشەسى بولماعان.
سۋ كولىگىنىڭ جۇرگىزۋشىسى ۇستالدى. ومىرگە قاۋىپتى قىزمەت كورسەتۋ تۋرالى قىلمىستىق ءىس قوزعالدى.