وقۋ-جاتتىعۋ قورىتىندىسى

8-17 شىلدە ارالىعىندا ازەر­بايجان, قىرعىزستان, تاجىك­ستان جانە وزبەكستان اسكەري كون­تين­گەنتتەرى بىرلەسكەن وپەرا­تسيا جۇرگىزدى. اسكەري مانەۆر­لەر «ويماشا» وقۋ پوليگونىندا, قارا­قيا اۋدانىنىڭ توقماق ءمۇيىسى مەن كاسپي تەڭىزىنىڭ قازاقستاندىق اكۆاتورياسىندا ءوتتى. وقۋ-جاتتى­عۋ­عا 4000 ادام قا­تىسىپ, 700-گە جۋىق قارۋ-جاراق پەن اسكەري تەحنيكا جۇمىل­دى­رىلدى.

قازاقستان اسكەري-تەڭىز كۇش­تەرىنىڭ بولىمشەلەرى جەرگىلىكتى جەر مەن قارسىلاستى بارلاۋ, جۇك­تەر مەن جەكە قۇرامدى تاسى­مال­داۋ, تەڭىز دەسانتىن ءتۇسىرۋ, دۇش­پاننىڭ كوزىن جويۋ جانە ديۆەرسياعا قارسى ءىس-شارالار وت­كىزۋ سياقتى وقۋ-جاۋىنگەرلىك تاپسىرمالاردى ورىندادى.

وقۋ-جاتتىعۋ قورىتىندى­لارى پىسىقتالعان جيىندا اسكەري-تەڭىز كۇشتەرى باس قولباسشى­سى­­نىڭ جاۋىنگەرلىك دايىندىق جو­نىن­دەگى ورىنباسارى, ءى دارەجە­لى كاپيتان دانيار حايرۋشەۆ تاك­تيكالىق ءىس-قيمىلدار مەن اتىس نا­تيجەلەرىنە تالداۋ جاسادى. ال باس قولباسشىنىڭ تار­بيە جانە يدەولوگيالىق جۇ­مىستار جونىن­دەگى ورىنبا­سارى, پولكوۆنيك جۇما­بەك حاسە­نوۆ مانەۆرلەردى وتكىزۋ كەزە­ڭىن­دەگى جوعارى اسقاق رۋحتى, ۇيىم­شىلدىققا نەگىزدەلگەن ءوز­ارا كومەك پەن جاۋىنگەرلىك جول­داستىقتى ەرەكشە اتاپ ءوتتى. ول تاپ­سىرمانى ورىنداۋ بارىسىندا ەرەكشە ىنتا-جىگەر كورسەتكەن, وقۋ-جاتتىعۋ كەزىندە جوعارى ناتي­جەلەرگە قول جەتكىزۋگە ۇم­تىلعان اسكەري قىزمەتشىلەرگە العى­سىن ءبىلدىردى.

– جاتتىعۋ بەكىتىلگەن جوس­پار­عا سايكەس جۇرگىزىلدى. كوزدە­گەن مەجەگە قول جەتكىزىپ, قويىل­عان مىن­دەتتەر جوعارى ساپالى دەڭگەيدە ورىندالدى. اسكەري-تەڭىز كۇش­تەرى بولىمشەلەرى­نىڭ كومانديرلەرى تاپسىرمالار­دى ورىنداۋدى ۇيىمداستىرۋدا, بولىمشەلەردى ۇز­دىكسىز جانە تۇ­راقتى باسقارۋدا, تىنىمسىز ءوزارا ءىس-قيمىلدى ۇي­لەستىرۋدە جانە قول­داۋدا جاقسى تا­جىريبەگە يە بول­دى. وقۋ-جاتتىعۋ ناتيجەلەرى بويىنشا ءار كوماندير قانداي باعىتتا جۇمىس ىستەۋ كە­رەكتىگىن جانە نەگىزگى كۇش-جىگەردى نە نار­سەگە جۇمساۋ قاجەتتىگىن تۇ­سىن­گەنىنە سەنىمدىمىن. «بىرلەستىك – 2024» كوماندالىق-شتابتىق وقۋ-جاتتىعۋىنىڭ ناتيجەلەرى بو­يىن­شا تۇجىرىمدار اسكەري-تەڭىز كۇش­تەرى جەكە قۇرامى­نىڭ جاۋىنگەر­­لىك وقۋىن ودان ءارى جوسپارلاۋ جانە جەتىلدىرۋ ءۇشىن ەسكەرىلەدى, – دەدى گەنەرال-مايور سەرىك بورامباەۆ.

جينالىس بارىسىندا بار­لىق بو­لىمشەگە جانە ءاربىر اسكەري قىز­مەتشىنىڭ جۇمىسى­نا باعا بەرىلىپ, 21 اسكەري قىزمەت­شى گراموتالارمەن ماراپاتتالدى. جوعارى ناتي­جە كورسەتكەن مەرزىمدى قىزمەت مات­روستارى الىشەر كەنجەعاليەۆ پەن دياس مەدەتوۆ اسكەري-تەڭىز كۇش­تەرى باس قولباسشىسىنىڭ قولىنان اتاۋلى ساعات الدى.