سىيلاستىق ورتانى قالىپتاستىرىپ, ۇلكەندەرگە قۇرمەت كورسەتۋدىڭ ەرەكشى ادەبى سانالاتىن سالەم سالۋ ءداستۇرىنىڭ قازاق حالقى ءۇشىن قاشان دا ماڭىزى زور. سالەم سالۋ − اۋەلدەن بەرى كەلە جاتقان جاس كەلىنگە جۇكتەلەر سالت. سونىمەن قاتار بۇل سالت سىيلاستىق ءجىبىن ۇزبەي, استارىنداعى تالىمدىك ءمانىن جويمايتىن ەڭ بەرىك ورنىققان ءداستۇردىڭ ءبىرى دەسەك تە ورىندى, دەپ جازادى Egemen.kz.
بۇگىندە زامان وزگەردى مە, الدە ادام با؟ بۇل ءداستۇردىڭ تەرەڭىنە بويلاماي قاتە پىكىر قالىپتاستىرىپ جۇرگەن جاندار جەتەرلىك. سالەم سالۋ − بۇل تابىنۋ ەمەس. اتام زاماننان بەرى جالعاسىن تاۋىپ كەلە جاتقان ءۇردىستى شيرككە بالاۋ قاتە ۇعىم.
جالپى سالەم سالۋ, كەلىنگە تىلەك ءبىلدىرۋ, سالەمىن قابىل الۋ – پايعامباردان قالعان سۇننەت دەسەدى. بىردە, سوعىستا حانافيا ەسىمدى قىزدىڭ تۇتقىنعا ءتۇسىپ, پايعامبارعا ءۇش شارت قويعان ەكەن. ەگەر دە پايعامبار وسى شارتىمدى ورىنداساڭىز, مۇسىلمان بولۋعا كەلىسىمىمدى بەرەمىن دەگەن ەكەن. الگى قىزدىڭ ءبىرىنشى شارتى − سوعىستا قىزدى قولعا تۇسىرگەن باتىر اليگە نەكەلەپ قوسۋدى شارت ەتكەن. ەكىنشى شارتى − قىزدان تۋىلعان نارەستەگە پايعامباردىڭ ەسىمى مەن قىزدىڭ اتىن قوساقتاپ قويۋعا رۇقسات ەتۋىن وتىنگەن. ال, ءۇشىنشىسى, پايعامباردى كورگەندە ءيىلىپ سالەم ەتەمىن دەگەن ەكەن. پايعامبار قىزدىڭ بارلىق شارتىن ورىنداعان ەكەن. پايعامبارىمىز حانافيا قىزدىڭ ءيىلىپ سالەم سالۋىنا رۇقسات ەتىپ, ريزا بولىپ «باقىتتى بول!», «عۇمىرلى بول!», «كوپ جاسا!» دەپ باتا بەرگەن ەكەن. مىنە, وسىدان باستاپ جاڭا تۇسكەن كەلىننىڭ ۇلكەندەرگە سالەم سالاتىن ءداستۇرى پايدا بولعان-دى.
ال, بۇگىندە ۇلكەندەرگە كوگىلدىر ەكراننىڭ ارعى جاعىندا تۇرىپ سالەم سالعان كەلىندەردى كورىپ سالت-ءداستۇردىڭ ءوزىنىڭ ءمان-ماعىناسىن جويماعانى كوز قۋانتادى. ءدال وسىنداي كورىنىستى ءتىلشىمىز ەرجان قوجاستىڭ بۇل قۇرمەت ەدى... دەگەن اڭگىمەسىنەن وقي الاسىزدار.