«Tesla» ادام ءتارىزدى روبوتتاردىڭ جاپپاي ءوندىرىسىن باستاماق. ولار قوراپ تاسىپ, گۇلدەردى سۋارا الادى. قازىر زاۋىتتا سىناق رەجىمىندە جۇمىس ىستەپ جاتىر.
بۇل تۋرالى يلون ماسك الەۋمەتتىك جەلى پاراقشاسىندا حابارلادى. ونىڭ ايتۋىنشا, جاپپاي ءوندىرىس 2026 جىلى قولعا الىنادى. ءار قۇلتەمىر شامامەن 20 مىڭ دوللاردان ساتىلادى. نەگىزى «Tesla» وسىدان 2 جىل بۇرىن «وپتيمۋس» دەپ اتالاتىن ادام ءتارىزدى روبوتتىڭ ءپروتوتيپىن كوپشىلىككە تانىستىرعان ەدى. «جاساندى ينتەللەكتىنىڭ كومەگىمەن جۇمىس ىستەيتىن وسىنداي قۇلتەمىرلەر بولاشاقتا مامان تاپشىلىعى ماسەلەسىن تۇبەگەيلى شەشەدى», دەيدى يلون ماسك.