اقمولا وبلىسىنىڭ پوليتسەيلەرى ۇزاق ۋاقىت بويى «Qarmet» كاسىپورىندارىنان جانار-جاعارماي ۇرلاعان ۇيىمداسقان قىلمىستىق توپتى قولعا ءتۇسىردى, دەپ جازادى Egemen.kz.
ولار «Qarmet» اق وكىلدىگىنىڭ اۋماعىنان جانار-جاعارماي ماتەريالدارىن ۇرلاۋ بويىنشا قىلمىستىق سحەما ارقىلى زاڭسىز ارەكەتتەرىن جۇزەگە اسىرىپ كەلگەن.
وبلىستىق پوليتسيا دەپارتامەنتى بۇل ىسكە كۇزەت قىزمەتىنىڭ قاتىسى بار-جوعىن انىقتاپ جاتىر.
كاسىپورىن مالىمەتىنشە, ۇيىمداسقان توپ Qarmet-كە 50 ملن تەڭگەدەن استام سوماعا شىعىن كەلتىرىلگەن.
ء«تىنتۋ ءىس-شارالارى بارىسىندا ۇستالعانداردان 5,5 تونناعا جۋىق ديزەل وتىنى, ءىرى كولەمدە قاراجات جانە ءىس بويىنشا وزگە دە زاتتاي دالەلدەمەلەر تاركىلەندى. بارلىق كۇدىكتىلەر ۋاقىتشا ۇستاۋ يزولياتورىنا قامالدى. سوتقا دەيىنگى تەرگەۋ جۇرگىزىلىپ جاتىر», دەدى ءىىم ۇيىمداسقان قىلمىسقا قارسى كۇرەس دەپارتامەنتىنىڭ وكىلى قۋاندىق الپىس.