ميكروقارجى سەگمەنتى – قارجى سەكتورىنىڭ ەڭ جىلدام دامىپ كەلە جاتقان سەگمەنتى. 2020 جىلدان باستاپ سەكتور اكتيۆتەرى 2 ەسەدەن استام ءوسىپ, 2,6 ترلن تەڭگەگە جەتتى. نارىقتىڭ جيىنتىق نەسيە پورتفەلى 130%-عا, 2,4 ترلن تەڭگەگە دەيىن ءوستى.
«كەيىنگى 3 جىلدا ميكروقارجى ۇيىمدارى مەن كرەديتتىك سەرىكتەستىكتەردىڭ بيزنەسكە بەرگەن كرەديتتەر پورتفەلى 4 ەسەدەن استام ءوسىپ, 1,4 ترلن تەڭگەگە جەتتى. وسى كرەديتتىك ۇيىمداردىڭ قارىز الۋشىلارىنىڭ سانى 250 مىڭ كاسىپكەردەن استى», دەدى اگەنتتىك توراعاسى تاياۋدا وتكەن ميكروقارجى سەكتورى: ورنىقتى دامۋدىڭ 20 جىلى» اتتى فورۋمدا.
«KASE» الاڭىندا 21 ميكروقارجى ۇيىمىنىڭ ۇلەستىك جانە بورىشتىق قۇرالدارى ورنالاستىرىلعان. قور نارىعىنداعى قارىزداردىڭ جالپى كولەمى 41,7 ملرد تەڭگەنى قۇرادى.
«ميكرو جانە شاعىن بيزنەس سۋبەكتىلەرى ءۇشىن, اسىرەسە ەل وڭىرلەرىندە بانكتىك قىزمەتتەردىڭ قولجەتىمدىلىگىن قامتاماسىز ەتۋ دە – ماڭىزدى جۇيەلى شارا. بۇل ءۇشىن وتكەن جىلى زاڭنامالىق دەڭگەيدە ميكروقارجى ۇيىمىن بانكتەرگە اينالدىرۋدىڭ جەڭىلدەتىلگەن تەتىگى ەنگىزىلدى. وسى ۋاقىتقا دەيىن بانككە اينالدىرۋعا رۇقسات الۋدى 2 ميكروقارجى ۇيىمى جوسپارلاپ وتىر», دەدى ءمادينا ابىلقاسىموۆا.
بۇل جەردە اڭگىمە «KMF» جانە «Solva» ميكروقارجى ۇيىمدارى تۋرالى بولىپ وتىر. زاڭ بويىنشا بانك بولىپ قۇرىلاتىن قارجى ۇيىمىنىڭ جارعىلىق جانە مەنشىك كاپيتالى 10 ملرد تەڭگەدەن كەم بولماۋعا ءتيىس. KASE-ءنىڭ 2024 جىلعى 1 ساۋىردەگى جاعداي بويىنشا مەنشىك كاپيتالى بويىنشا 3 ميكروقارجى ۇيىمى تالاپقا ساي كەلەدى, ولار – «KMF» (54,6 ملرد تەڭگە), «Solva» (18,2 ملرد تەڭگە) جانە «BNK Finance Kazakhstan» (18,2 ملرد تەڭگە).
«كەيىنگى 3 جىلدا بيزنەسكە بەرىلگەن نەسيە پورتفەلى 4 ەسە ءوسىپ, 1,4 ترلن تەڭگەگە جەتتى. اتالعان نەسيە ۇيىمدارىنىڭ بورىشكەرلەرىنىڭ سانى 250 مىڭ كاسىپكەردەن استى. وڭىرلەردەگى بيزنەستىڭ قىر-سىرىن تۇسىنگەندىكتەن, ءوز قىزمەتىن اۋقىمدى تۇردە ۇسىنۋدىڭ ارقاسىندا مقۇ الىس ايماقتارداعى تۇپكىلىكتى قارىز الۋشىعا دەيىن جەتىپ جاتىر. مقۇ بيزنەس سۋبەكتىلەرىنىڭ قارجى رەسۋرسىنا قولجەتىمدىلىگىن قامتاماسىز ەتىپ قانا قويمايدى, سونىمەن قاتار جۇمىس ورىندارىن قۇرادى, جۇمىسپەن قامتۋ ءوسىمىن ارتتىرادى جانە وڭىرلەردەگى كاسىپكەرلىك بەلسەندىلىكتى ىنتالاندىرادى», دەيدى قنردا باسشىسى.
ءمادينا ابىلقاسىموۆانىڭ ايتۋىنشا, ميكرونەسيەلەۋ ديناميكاسىنىڭ وڭ بولۋىنا قاراماستان, بيزنەس كرەديتى بويىنشا سىياقى مولشەرلەمەسى جوعارى كۇيدە قالىپ وتىر.
«قازىر مقۇ-لارداعى ورتاشا جىلدىق پايىزدىق مولشەرلەمە 37 پايىزدى قۇرايدى, نەسيە سەرىكتەستىكتەرىنىڭ زايمى بويىنشا – 17 پايىز. «مقۇ-داعى نەسيە رەسۋرستارىنىڭ قۇنىن تومەندەتۋ ءۇشىن اگەنتتىك نارىق قاتىسۋشىلارىمەن بىرلەسىپ كاپيتال تارتۋدىڭ جاڭا فورماسىن ەنگىزۋ, مقۇ ءۇشىن كرەديتتەرگە كەپىلدىك بەرۋ جانە سۋبسيديالاۋ, قارجى ليزينگى جانە فاكتورينگ قۇرالدارى بويىنشا مەملەكەتتىك قولداۋ شارالارىنىڭ قولجەتىمدىلىگىن كەڭەيتۋ جونىندەگى جۇمىستى جالعاستىرادى», دەدى ول.