دارىگەرلەر كوپشىلىكتىڭ كوزىنشە كۇيەۋى پىشاقتاعان جۇكتى ايەلدىڭ ءحال جاعدايى تۋرالى ايتىپ بەردى, دەپ حابارلايدى Egemen.kz.
ماڭعىستاۋ وبلىستىق كوپسالالى اۋرۋحاناسىنىڭ حابارلاۋىنشا, ايەلدىڭ جاعدايى اۋىر. دەگەنمەن اق حالاتتىلار ايەلدىڭ جۇكتىلىگىن ساقتاپ قالعان جانە بالاعا قاۋىپ ءتونىپ تۇرعان جوق.
ايتا كەتەيىك, وسىدان بىرەر كۇن بۇرىن جۇكتى ايەلگە اياۋسىز شابۋىل جاساعان ەر ادامنىڭ ءىس-ارەكەتى قالىڭ كوپشىلىكتى ءدۇر سىلكىندىردى. الەۋمەتتىك جەلىدە ماڭعىستاۋ وبلىسىندا ەر ادام ايەلىن حالىقتىڭ كوزىنشە پىشاقتاپ تاستاعان بەينەجازباسى پايدا بولدى.
ماڭعىستاۋ وبلىسىنىڭ پوليتسيا دەپارتامەنتى شابۋىل جاساعان ادامنىڭ ۇستالىپ, ۋاقىتشا ۇستاۋ يزولياتورىنا قامالعانىن حابارلادى. ادام ولتىرۋگە وقتالۋ بابى بويىنشا قىلمىستىق ءىس قوزعالدى.
كەيىن جابىرلەنۋشىنىڭ جۇكتىلىگىنە 10 اپتا بولعانى بەلگىلى بولدى.