استاناداعى جەكە ءۇي تۇرعىندارىنا ۇيلەرىنە گاز جابدىقتارىن ورناتۋ ءۇشىن الەۋمەتتىك كومەك بەرىلەدى, دەپ جازادى Egemen.kz.
ەلوردا اكىمدىگىنىڭ مالىمەتىنشە, وسى كومەكتى الۋعا نيەتتى تۇرعىندار مەن ونىڭ وتباسىنداعى باسقا ادامداردا ەكىنشى ءۇي بولماۋ كەرەك. سونداي-اق جان باسىنا شاققانداعى ورتاشا تابىس ەڭ تومەنگى كۇنكورىس دەڭگەيىنەن اسپاۋى ءتيىس.
الەۋمەتتىك جاردەماقى الۋعا مىنا ساناتتاعى ازاماتتار ۇمىتكەر بولا الادى:
جاسى بويىنشا زەينەتكەرلەر;
مۇگەدەكتىگى بار ادامدار;
مۇگەدەكتىگى بار بالالار;
كوپ بالالى انالار مەن كوپ بالالى وتباسىلار;
جەتىم بالالار, اتا-اناسىنىڭ قامقورلىعىنسىز قالعان بالالار, بالالار ءۇيىنىڭ تۇلەكتەرى;
اسىراۋشىسىنان ايرىلۋ جاعدايى بويىنشا مەملەكەتتىك جاردەماقى الاتىن ازاماتتار (بىرگە تۇراتىن 18 جاسقا دەيىنگى كامەلەتكە تولماعان بالالارعا, ونىڭ ىشىندە 23 جاسقا دەيىنگى كۇندىزگى بولىمدە وقيتىن بالالار).
الەۋمەتتىك كومەكتىڭ مولشەرى ءوتىنىش بەرۋشىنىڭ گاز جابدىعىن جۇرگىزۋگە جانە ورناتۋعا بايلانىستى ناقتى شىعىندارى نەگىزگە الا وتىرىپ ايقىندالادى. دەسە دە ونىڭ مولشەرى 479 960 تەڭگەدەن اسپايدى.
الەۋمەتتىك كومەك الۋ ءۇشىن مىنا جەردە تالاپ ەتىلگەن قۇجاتتى قۇزىرلى مەكەمەگە وتكىزۋ كەرەك.