«جارقىن اۋىل» جوباسى ىسكە قوسىلدى

بۇگىندە قوستاناي وبلىسى تۇر­عىن­دا­رىنىڭ 38 پايى­زى اۋىلدا تۇرىپ جاتىر. وكىنىشكە قاراي ءبىراز اۋىلدىڭ ينفراقۇرىلىم­دىق جاعدايى ءالى دە ءماز ەمەس. بۇل باعىتتا شەشىمىن كۇتىپ تۇرعان ماسەلە كوپ. ماسەلەن, وڭىردە 140-تان استام اۋىلعا ساپالى اۋىزسۋ جۇرگىزىلمەگەن. سونداي-اق 150-گە جۋىق اۋىل جىلدامدىعى جوعارى ينتەرنەتكە قول جەتكىزە الماي وتىر. جول ساپاسى, كوشەلەر­دى جارىقتاندىرۋ جۇمىسى, مەكتەپتەر مەن مەديتسينا­لىق نىسانداردىڭ جاع­دايى دا كوڭىل كونشىتپەي­دى. اما­ناتتىقتاردىڭ ايتۋىنشا, «جارقىن اۋىل» وسى اتال­عان ماسەلەلەردىڭ كۇرمەۋىن تار­قاتۋعا ءتيىس.

«جوبا اۋىلدىق ەلدى مە­كەن­دەردىڭ ءال-اۋقاتىن ارتتىرۋدى كوزدەيدى. دەمەۋ­شىلەردىڭ قاراجاتى ەسەبىنەن تۇرعىن ۇيلەر سالىنادى, بالالارعا جانە سپورتپەن شۇعىلدانا­تىن ادامدارعا ارنالعان الاڭ­دار اشىلادى, سكۆەرلەر مەن ساياباقتار جابدىقتالادى, دەمالىس ۇيلەرى سالىنادى جانە اۋىل ينفراقۇرىلىمىن جاڭعىرتۋ باعىتىندا وزگە دە اۋقىم­دى جۇمىستار جۇرگىزىلەدى. جوبا اياسىندا 400-دەن استام اۋىل قامتىلىپ وتىر. ءوڭىر كاسىپكەرلەرى بۇعان 10 ملرد تەڭگە كولەمىندە قارجى ءبولىپ, قولداۋ كورسەتۋگە دايىن ەكەن­دەرىن ايتتى. اسىرەسە وبلىس اكىمى بىزگە ۇلكەن قولداۋ كورسەتىپ جاتىر. بۇل – پارتيا مەن جەرگىلىكتى اتقارۋشى ورگاندار اراسىنداعى ءوزارا ءتيىمدى ارەكەتتىڭ جارقىن ۇلگىسى. «جارقىن اۋىل» جوباسى ەل دامۋىنا ەرەكشە سەرپىن بەرەدى دەگەن سەنىمدە­مىز», دەيدى «Amanat» پارتياسى قوستاناي وبلىستىق فيليالىنىڭ توراعاسى المات دوسمۇحامەدوۆ.

ايسارىدا ىسكە قوسىلعان «جارقىن اۋىل» جوباسىنىڭ العاشقى كەزەڭىندە اۋىلدىق وكرۋگتىڭ 3 كوشەسى جوندەلەدى. جەرگىلىكتى ستاديون قايتا جاڭارتىلادى. ايسارى مەن پولوۆنيكوۆكا ەلدى مەكەن­دە­رىنە سۋ قۇبىرى تارتىلادى جانە فەلدشەرلىك-اكۋشەر­لىك پۋنكت سالىنادى. اتالعان شارۋا­نىڭ ءبارىن بيىل 1 قازان­عا دە­يىن اياقتاۋ جوسپارلانىپ وتىر. پارتيا وكىلدەرى مەن كاسىپكەرلەر وسى جونىندە ەكى­جاقتى مەمو­­راندۋمعا قول قوي­دى. ايسارى اۋىلدىق وكرۋ­گىن گۇلدەن­دىرۋ جوباسى بيسەم­باي بۋراشەۆ, بولات اڭقاۋوۆ, اندرەي حوروشيلوۆ, ولەگ دۆوە­گلازوۆ, اندرەي ەم, سۆەت­لانا بىسترياكوۆا, تالعات جۇر­گىم­باەۆ, باتىر­جان مۇحام­بەت­جانوۆ, ماكسيم پونو­مارەۆ جانە مۇرات باسى­باەۆ سياقتى كاسىپ­كەر­لەر­دىڭ كومە­گىمەن جۇزەگە اسى­رىل­ماق.

ء«بىز جەرگىلىكتى تۇر­عىن­دار­­دىڭ تۇرمىسىنا قولايلى جاعداي جاساي وتىرىپ, اۋىل­دىق جەرلەردى ءومىر سۇرۋگە بارىنشا تارتىمدى ءارى قولايلى ەتۋگە تىرىسامىز. بۇگىندە اۋىل جاستارىنىڭ كوبى مەكتەپ بىتىرىسىمەن ءىرى قالالارعا كەتكىسى كەلەدى. ءوز بولاشاعىن اۋىلمەن ەمەس, قالامەن ولشەيدى. سوندىقتان ءبىزدىڭ الدىمىزدا اۋىلدىڭ ينفراقۇرىلىمىن جاقسارتۋ ارقىلى جاستاردى كوبى­رەك اۋىلعا تۇراقتاندىرۋ, اۋىل­دىق ەلدى مەكەندەردە ءومىر سۇرۋگە قولايلى جاعداي جاساۋ سياقتى ماڭىزدى مىندەتتەر تۇر», دەيدى «Amanat» پارتيا­سى قوستاناي اۋداندىق في­ليا­لى­نىڭ توراعاسى مارينا راستەگاەۆا.

الداعى ۋاقىتتا پارتيانىڭ وزگە دە اۋداندىق فيليالدارى جەرگىلىكتى اكىمدىكتەرمەن, كاسىپكەرلەرمەن مەمو­ران­دۋمعا وتىرماق. بۇل قۇجات جوبانىڭ تۇراقتى­­لىعى مەن اشىقتىعىن قامتاما­سىز ەتۋگە مۇمكىندىك بەرەدى. ناتيجەسىندە, الداعى ءۇش جىل ىشىندە 400-دەن استام ەلدى مەكەن ساپالى اۋىز سۋمەن قامتاماسىز ەتىلىپ, اۋىل ىشىندەگى جولدار جونگە كەل­تى­رىلەدى. اۋىل ينتەرنەتى شيراپ, شالعاي ەلدى مەكەن­دەردىڭ سىرتقى كەلبەتى جاقسارادى.

مۇنىڭ سىرتىندا, «Amanat» پار­تياسىنىڭ سايلاۋالدى باع­د­ارلاماسى اياسىندا بيىل قوس­تاناي وبلىسىندا 5 جاڭا مەكتەپ سالۋ, جۇمىس ىستەپ تۇرعان 51 مەكتەپتى جوندەۋ, 19 دارى­گەر­لىك امبۋلاتوريا مەن فەلد­شەر­لىك-اكۋشەرلىك پۋنكت اشۋ, 19 ەلدى مەكەندى سۋمەن قامتا­ما­سىز ەتۋ جوسپارلانىپ وتىر.

قوستاناي وبلىسى