قۇلسارىدا سۋ ايداۋ كەزىندە 23 جاستاعى ءورت ءسوندىرۋشى قايتىس بولدى, دەپ حابارلايدى Egemen.kz توتەنشە جاعدايلار مينيسترلىگىنىڭ ءباسپاسوز قىزمەتىنە سىلتەمە جاساپ.
تجم 29 مامىردا اتىراۋ وبلىسى جىلوي اۋدانىنىڭ قۇلسارى قالاسىندا اتىراۋ وبلىسى تجد №1 مامانداندىرىلعان ءورت ءسوندىرۋ ءبولىمىنىڭ بولىمشە كومانديرى بەيبارىس جالعاسباي ۇلى راقىم قايتىس بولعانىن مالىمدەدى.
ۆەدومستۆونىڭ مالىمەتىنشە, ازاماتتىق قورعاۋ سەرجانتى سۋدى سورۋ بويىنشا قۇتقارۋ جۇمىستارىن جۇرگىزۋ كەزىندە قازا تاپتى. قازىر ونىڭ ءولىمىنىڭ ناقتى سەبەپتەرى انىقتالىپ جاتىر.
«توتەنشە جاعدايلار مينيسترلىگى بەيبارىس جالعاسباي ۇلىنىڭ تۋىستارى مەن جاقىندارىنا كوڭىل ايتادى», دەپ حابارلادى دەپارتامەنتتىڭ ءباسپاسوز قىزمەتى.