بۇگىن ۇكىمەت باسشىسى ولجاس بەكتەنوۆتىڭ توراعالىعىمەن جيىن ءوتىپ, تاسقىننىڭ جاعدايى تالقىلاندى, دەپ حابارلايدى Egemen.kz اتىراۋ وبلىسىنىڭ تج جونىندەگى جەدەل شتابىنا سىلتەمە جاساپ.
جيىندا وبلىس اكىمى سەرىك شاپكەنوۆ قۇلسارى قالاسىنداعى جاعداي جايىندا بايانداپ, شىعىندى وتەۋ جۇمىستارى تۋرالى ايتتى. ونىڭ سوزىنشە, جىلجىمايتىن م ۇلىكتى باعالاۋ كوميسسياسىنا بارلىعى 2 727 ءوتىنىش ءتۇسىپ, 1000-عا جۋىق ءۇي اپاتتى دەپ تانىلعان.
- 500 تۇرعىنعا باعالاۋ قورىتىندىسى تۋرالى اقپارات بەرىلدى. 105 تۇرعىن وتەماقى سوماسىنا كەلىسىپ, كەلىسىم-شارتقا وتىردى (اۆاريالىق – 53, كۇردەلى جوندەۋ – 52). باعالاۋ اپتا اياعىنا دەيىن جۇرەدى, ماماندار تاۋلىك بويى جۇمىس ىستەپ جاتىر. 18 مامىردا قۇلسارى قالاسىنىڭ «بولاشاق» شاعىناۋدانىندا 150 ءۇي سالىنادى دەپ جوسپارلانسا, قازىر 70 ءۇيدىڭ قۇرىلىسى باستالدى. جاعداي جەكە باقىلاۋىمدا, - دەدى س.شاپكەنوۆ.بۇدان بولەك, تاسقىننان زارداپ شەككەن كاسىپكەرلەرگە كەلتىرىلگەن شىعىندى وتەۋ بويىنشا دا كەڭەس بەرۋ ورتالىعى جۇمىس ىستەپ جاتىر. بۇگىندە 301 كاسىپكەردەن ءوتىنىش تۇسكەن. ءتورت-ت ۇلىكتىڭ شىعىنىن ەسەپتەۋ جۇمىستارى دا جالعاسۋدا. تاسقىننان قىرىلعان مال باسىنا وتەماقى تولەۋ 21 مامىردا باستالادى. 150 اەك مولشەرىندەگى م ۇلىكتىك زالالدى وتەۋگە 2 707 ءوتىنىش ءتۇسىپ, ونىڭ ىشىندە 416-نىڭ قورىتىندىسى دايىن بولعان.